പോസ്റ്ററടിക്കാൻ വൈകിയതിന് പ്രസ് ഉടമയെ ഇടിച്ച് പഞ്ഞിക്കിട്ടു
കൊച്ചി: പോസ്റ്റർ പ്രിന്റ് നൽകുന്നതിൽ താമസിച്ചെന്ന കാരണത്താൽ സ്വതന്ത്ര സ്ഥാനാർത്ഥിയുടെ അനുയായികൾ പ്രസ് ഉടമയെ ആക്രമിച്ച സംഭവത്തിൽ മൂന്ന് പേർക്ക് എതിരെ കേസ് രജിസ്റ്റർ ചെയ്തു.
25-ാം തീയതി രാത്രി എറണാകുളത്താണ് സംഭവം നടന്നത്. തിരഞ്ഞെടുപ്പ് വിജ്ഞാപനം പുറപ്പെടുവിച്ചതിന് ശേഷമുള്ള കൊച്ചി സിറ്റി പൊലീസ് രജിസ്റ്റർ ചെയ്യുന്ന ആദ്യ കേസ് കൂടിയാണിത്.
കൊച്ചി കോർപ്പറേഷൻ തിരഞ്ഞെടുപ്പിനാണ് സ്വതന്ത്ര സ്ഥാനാർത്ഥി മത്സരിക്കുന്നത്. 25-ാം തീയതി രാവിലെ സ്ഥാനാർത്ഥിയും അനുയായികളും പ്രസിലേക്ക് എത്തി പോസ്റ്റർ പ്രിന്റിങ്ങിന് ഓർഡർ നൽകി, ആവശ്യമായ തുകയും അടച്ചു.
ഉച്ചയോടെ ഡിസൈൻ ഉറപ്പിച്ചതിന് ശേഷം ചില പോസ്റ്ററുകൾ പ്രസുടമ അടിച്ച് നൽകി.
വൈകുന്നേരം അണികൾ തിരിച്ചെത്തിയപ്പോൾ ഡിസൈനിൽ മാറ്റം വേണമെന്ന് ആവശ്യപ്പെട്ടു.
‘
ഇതിനോടകം തന്നെ മുൻകൂട്ടി തീരുമാനിച്ച ക്വാണ്ടിറ്റിക്ക് ആവശ്യമായ സജ്ജീകരണങ്ങൾ പൂർത്തിയായിരുന്നതിനാൽ, അധിക ചെലവുണ്ടാകുമെന്ന് പ്രസുടമ അറിയിച്ചു.
ചെറിയ തുകകൂടി നൽകിയാൽ പരിഹരിക്കാമെന്ന് പറഞ്ഞതോടെ ഒത്തുതീർപ്പ് നടന്നു.
രാത്രി 11 മണിയോടെ കുറച്ച് പോസ്റ്ററുകൾ ലഭിക്കാമെന്ന വാഗ്ദാനം നൽകി അണികളെ മടക്കി അയച്ചു.
എന്നാൽ 11 മണിക്ക് എത്തുമ്പോൾ പ്രിന്റിംഗ് നടക്കുകയായിരുന്നു. പൂർത്തിയാകാൻ പുലർച്ചെ മൂന്ന് വരെ വേണ്ടിവരുമെന്ന അറിയിപ്പ് അണികൾക്ക് ഇഷ്ടമായില്ല.
ഇതിനെ തുടർന്ന് വാക്കുതർക്കം മർദ്ദനത്തിലേക്ക് മാറി. കമ്പ്യൂട്ടറിന് കേടുപാട് സംഭവിച്ചുവെന്നും ഏകദേശം 24,000 രൂപയുടെ നഷ്ടമുണ്ടായെന്നും പ്രസുടമ നൽകിയ പരാതിയിൽ പറയുന്നു.
English Summary
In Kochi, supporters of an independent candidate assaulted a printing press owner for delaying poster delivery. The incident occurred on the night of the 25th, and North Police have registered a case against three individuals — the first election-related case after the poll notification. The dispute began when the candidate’s supporters demanded design changes after printing preparations had already been completed. The disagreement escalated into an attack when the press owner informed them that the posters would only be ready by 3 a.m. Losses of about ₹24,000 were reported due to damage to equipment.
kochi-independent-candidate-supporters-attack-printing-press
Kochi, Election 2025, Independent Candidate, Printing Press Attack, Police Case, Kerala News, Ernakulam
