ഖുഷ്ബു ഇനി തമിഴ്നാട് ബിജെപി വൈസ് പ്രസിഡന്റ്
ചെന്നൈ: നടി ഖുഷ്ബു സുന്ദറിനെ തമിഴ്നാട് ബിജെപി വൈസ് പ്രസിഡന്റ് സ്ഥാനത്തേക്ക് നിയമിച്ചു. നൈനാർ നാഗേന്ദ്രൻ പ്രസിഡന്റായി ചുമതലയേറ്റതിനുശേഷം നടത്തിയ ആദ്യ പുനഃസംഘടനയിലാണ് ഖുഷ്ബുവിനു ചുമതല നൽകിയിരിക്കുന്നത്.
ബിജെപി ദേശീയ നിർവാഹക സമിതി അംഗമാണ് ഖുഷ്ബു. എന്നാൽ കഴിഞ്ഞ കുറച്ചുനാളുകളായി നടി പാർട്ടി പരിപാടികളിൽ നിന്ന് അകലം പാലിച്ചിരുന്നു. താരം രാഷ്ട്രീയത്തിൽ സജീവമായി തുടരുമോയെന്ന ചോദ്യങ്ങൾ ഉയർന്നുവരുന്നതിനിടയിലാണ് പുതിയ പ്രഖ്യാപനം നടത്തിയിരിക്കുന്നത്.
പാർട്ടിയുടെ തീരുമാനത്തിൽ താൻ സന്തോഷവതിയാണെന്ന് ഖുഷ്ബു മാദ്ധ്യമങ്ങളോട് പ്രതികരിച്ചു. തന്നിൽ വിശ്വാസമർപ്പിച്ചതിന് മുതിർന്ന പാർട്ടി നേതാക്കളോടും താരം നന്ദി പറഞ്ഞു. നടൻ വിജയ് നയിക്കുന്ന തമിഴകം വെട്രി കഴകത്തെ എൻഡിഎ സഖ്യത്തിലേക്ക് താരം ക്ഷണിക്കുകയും ചെയ്തു.
ഡിഎംകെയിലൂടെയാണ് ഖുഷ്ബു തന്റെ രാഷ്ട്രീയ പ്രവർത്തനം ആരംഭിച്ചത്. പിന്നീട് കോൺഗ്രസിൽ ചേരുകയും 2020ഓടെ ബിജെപിയിൽ അംഗത്വമെടുക്കുകയും ചെയ്തിരുന്നു.
എന്നാൽ കഴിഞ്ഞ നിയമസഭാ തിരഞ്ഞെടുപ്പിൽ നഗര മണ്ഡലത്തിൽ മത്സരിച്ചെങ്കിലും പരാജയപ്പെട്ടിരുന്നു.
Summary: Actor Jagadish has withdrawn from the presidential race of AMMA (Association of Malayalam Movie Artists), intensifying the contest between Shwetha Menon and Devan. Jagadish expressed his desire to see a woman become the next president.
