കേരളം മുഴുവൻ മഴ മുന്നറിയിപ്പ്! ഇടിമിന്നലും ശക്തമായ കാറ്റും; ജാഗ്രത നിർദേശം
തിരുവനന്തപുരം: കേരളത്തിൽ ഇന്ന് ഒറ്റപ്പെട്ട ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ കാറ്റ് വീശാനും സാധ്യതയുള്ളതായി അറിയിപ്പുണ്ട്. സംസ്ഥാനത്തെ എല്ലാ ജില്ലകളിലും ജാഗ്രത നിർദേശം നൽകിയിട്ടുണ്ട്.
കാലാവസ്ഥയിൽ ഉണ്ടാകുന്ന പെട്ടെന്നുള്ള മാറ്റങ്ങൾ അപകട സാധ്യത വർധിപ്പിക്കുന്നതിനാൽ ജനങ്ങൾ കൂടുതൽ ജാഗ്രത പാലിക്കണമെന്ന് അധികൃതർ മുന്നറിയിപ്പ് നൽകി.
ജാഗ്രത നിർദേശങ്ങൾ
ഇടിമിന്നൽ ശ്രദ്ധയിൽപ്പെട്ട ഉടൻ സുരക്ഷിതമായ കെട്ടിടത്തിനുള്ളിലേക്ക് മാറുക
തുറസായ സ്ഥലങ്ങളിൽ നിൽക്കുന്നതും മരച്ചുവട്ടിൽ അഭയം തേടുന്നതും ഒഴിവാക്കുക
ജനൽ-വാതിലുകൾ അടച്ച് വീടിനുള്ളിൽ തന്നെ തുടരുക
വൈദ്യുതോപകരണങ്ങളുടെ കണക്ഷൻ വിച്ഛേദിക്കുക
ഇടിമിന്നൽ സമയത്ത് ഫോൺ, വെള്ളം എന്നിവ ഉപയോഗിക്കുന്നത് പരമാവധി ഒഴിവാക്കുക
ബൈക്ക്, സൈക്കിൾ യാത്രകൾ താൽക്കാലികമായി ഒഴിവാക്കുക
മീൻപിടിത്തം, ബോട്ടിംഗ് തുടങ്ങിയ പ്രവർത്തനങ്ങൾ നിർത്തിവയ്ക്കുക
ഇടിമിന്നൽ ദൃശ്യമാകാതിരുന്നാലും അപകട സാധ്യത നിലനിൽക്കുന്നതിനാൽ മുൻകരുതലുകളിൽ വിട്ടുവീഴ്ച വരുത്തരുതെന്നാണ് നിർദേശം.
English Summary
The India Meteorological Department has issued a rain alert across Kerala, warning of isolated thunderstorms and strong winds reaching speeds of 30–40 km/h. All districts are under alert, and people are advised to take safety precautions, especially during lightning and heavy winds.
