കൊച്ചി: ഇ-മെയിലില് സ്റ്റോറേജ് സ്പേസ് തീര്ന്നു എന്ന് പറഞ്ഞ് വരുന്ന സന്ദേശത്തിൽ വീഴരുതെന്ന മുന്നറിയിപ്പുമായി കേരള പോലീസ്. ഇ-മെയിലില് സ്റ്റോറേജ് സ്പേസ് തീര്ന്നതിനാല് അക്കൗണ്ട് റദ്ദാക്കുമെന്ന പേരിലാണ് പുതിയ തട്ടിപ്പ് വരുന്നത്. അക്കൗണ്ട് റീസ്റ്റോര് ചെയ്യാനായി ഇ-മെയിലിനോടൊപ്പം ലഭിക്കുന്ന ലിങ്കില് ക്ലിക്ക് ചെയ്യണമെന്നാണ് സന്ദേശത്തിൽ പറയുന്നത്.
ഇത്തരത്തിലുള്ള സന്ദേശത്തോടൊപ്പം ലഭിക്കുന്ന ലിങ്കില് ക്ലിക്ക് ചെയ്യുന്നതോടുകൂടി തട്ടിപ്പുകാരുടെ വെബ്സൈറ്റിലേക്ക് എത്തുകയും അതുവഴി നിങ്ങളുടെ കമ്പ്യൂട്ടറിലേക്ക് വൈറസുകളെ മാല്വെയറുകളും കയറാനോ അല്ലെങ്കില് ബാങ്ക് അക്കൗണ്ടുമായി ബന്ധപ്പെട്ട വിവരങ്ങള് നല്കുന്നതോടുകൂടി പണം നഷ്ടപ്പെടാനോ സാധ്യതയുണ്ട് എന്നും കേരള പോലീസ് മുന്നറിയിപ്പ് നൽകുന്നു.
ക്ലിക്ക് ചെയ്യാനും സാധ്യതയുണ്ട്. ഓര്ക്കുക ഇത്തരത്തിലുള്ള ഇ-മെയില് ലഭിച്ചാല് ഉടന്തന്നെ ഗൂഗിള് അക്കൗണ്ട് സെറ്റിംഗ്സില് സ്റ്റോറേജ് വിവരങ്ങള് പരിശോധിക്കുക. ഒരിക്കലും ഇ-മെയില് വഴി ലഭിക്കുന്ന ലിങ്കുകളില് ക്ലിക്ക് ചെയ്യരുത് എന്നും കേരള പൊലീസ് ഫെയ്സ്ബുക്കിലൂടെ അറിയിച്ചു.
