കേരളത്തിലെ ബാങ്കുകളിലേക്ക് ഒഴുകിയത് കോടികൾ! ചരിത്രത്തിലാദ്യമായി ആ റെക്കോർഡ് നേട്ടം കൊച്ചി സ്വന്തമാക്കി

കൊച്ചി: കേരളത്തിന്റെ സമ്പദ്‌വ്യവസ്ഥയുടെ നട്ടെല്ല് പ്രവാസികളാണെന്ന് ഒരിക്കൽ കൂടി അടിവരയിടുന്ന റിപ്പോർട്ടുകൾ പുറത്ത്.

സംസ്ഥാനത്തെ ബാങ്കിങ് ചരിത്രത്തിൽ സമാനതകളില്ലാത്ത വളർച്ചയുമായി പ്രവാസി നിക്ഷേപം (NR Deposit) ആദ്യമായി മൂന്ന് ലക്ഷം കോടി രൂപ കടന്നു.

2025 സെപ്റ്റംബർ 30 വരെയുള്ള കണക്കുകൾ പ്രകാരം 3,03,464.57 കോടി രൂപയാണ് പ്രവാസികൾ കേരളത്തിലെ ബാങ്കുകളിൽ സമ്പാദ്യമായി എത്തിച്ചിരിക്കുന്നത്.

മൂന്ന് മാസത്തിനുള്ളിൽ 16,000 കോടിയുടെ അവിശ്വസനീയമായ കുതിച്ചുചാട്ടം

കഴിഞ്ഞ ഏപ്രിൽ-ജൂൺ പാദത്തിൽ പ്രവാസി നിക്ഷേപത്തിൽ 6,634.92 കോടി രൂപയുടെ (2.31%) ഇടിവ് രേഖപ്പെടുത്തിയിരുന്നു.

എന്നാൽ ഈ തളർച്ചയെ മറികടന്ന് ജൂലൈ മുതൽ സെപ്റ്റംബർ വരെയുള്ള വെറും മൂന്ന് മാസത്തിനിടെ വൻ തിരിച്ചുവരവാണ് ബാങ്കിങ് മേഖലയിൽ ഉണ്ടായത്.

ഒറ്റ പാദത്തിനുള്ളിൽ 16,476.79 കോടി രൂപയുടെ വർധനവാണ് രേഖപ്പെടുത്തിയത്.

അതായത് മുൻ മാസങ്ങളെ അപേക്ഷിച്ച് 5.75 ശതമാനത്തിന്റെ അമ്പരപ്പിക്കുന്ന വളർച്ചയാണ് പ്രവാസികൾ കേരളത്തിന് സമ്മാനിച്ചത്.

ഒരു പതിറ്റാണ്ടിനിടെ മൂന്നിരട്ടി വർധന; വളർച്ചയുടെ നാഴികക്കല്ലുകൾ പിന്നിട്ട് കേരളം

ദീർഘകാലാടിസ്ഥാനത്തിൽ പരിശോധിക്കുമ്പോൾ പ്രവാസി നിക്ഷേപത്തിൽ സുസ്ഥിരമായ വളർച്ചയാണ് ദൃശ്യമാകുന്നത്.

2015 മാർച്ചിലാണ് കേരളത്തിലെ പ്രവാസി നിക്ഷേപം ആദ്യമായി ഒരു ലക്ഷം കോടി എന്ന സംഖ്യ തൊടുന്നത്.

കൃത്യം അഞ്ച് വർഷത്തിന് ശേഷം 2020 മാർച്ചിൽ ഇത് രണ്ട് ലക്ഷം കോടിയായി ഇരട്ടിച്ചു.

പിന്നീട് മഹാമാരിയുടെ വെല്ലുവിളികൾക്കിടയിലും അഞ്ച് വർഷം കൊണ്ട് മൂന്ന് ലക്ഷം കോടി എന്ന ചരിത്രപരമായ മാന്ത്രിക സംഖ്യയിലേക്ക് പ്രവാസി നിക്ഷേപം എത്തിയിരിക്കുകയാണ്.

പഞ്ചായത്ത് വാഹനം നൽകണമെന്ന് പുതിയ പ്രസിഡന്റ്; അനുമതി വേണമെന്ന് ഡ്രൈവർ; നടുറോഡിൽ വാക്കേറ്റം: സംഭവം വെള്ളനാട് ഗ്രാമപ്പഞ്ചായത്തിൽ

രൂപയുടെ മൂല്യത്തകർച്ചയും ആകർഷകമായ പലിശയും നിക്ഷേപകർക്ക് തുണയായി

അന്താരാഷ്ട്ര വിപണിയിൽ യുഎസ് ഡോളറുമായി താരതമ്യം ചെയ്യുമ്പോൾ ഇന്ത്യൻ രൂപയ്ക്കുണ്ടായ മൂല്യത്തകർച്ച പ്രവാസികളെ വലിയ തോതിൽ നിക്ഷേപം നടത്താൻ പ്രേരിപ്പിച്ചു.

ഇതിനുപുറമെ, ബാങ്കുകൾ നൽകുന്ന ആകർഷകമായ നിക്ഷേപ പലിശ നിരക്കുകളും കോവിഡ് കാലത്തിന് ശേഷം

വിദേശങ്ങളിൽ നിന്നുള്ള പണമൊഴുക്ക് വർധിച്ചതും ഈ ചരിത്ര നേട്ടത്തിന് പിന്നിലെ പ്രധാന കാരണങ്ങളാണെന്ന് സാമ്പത്തിക വിദഗ്ധർ വിലയിരുത്തുന്നു.

ബാങ്കുകളുടെ പോരാട്ടത്തിൽ ഫെഡറൽ ബാങ്കിന് ഒന്നാം സ്ഥാനം, പിന്നാലെ എസ്ബിഐയും

സംസ്ഥാനത്തെ പ്രവാസി നിക്ഷേപത്തിന്റെ സിംഹഭാഗവും കൈവശം വെച്ചിരിക്കുന്നത് പ്രമുഖ സ്വകാര്യ ബാങ്കായ ഫെഡറൽ ബാങ്ക് ആണ്.

85,250 കോടി രൂപയുടെ നിക്ഷേപമാണ് സെപ്റ്റംബർ വരെ ഫെഡറൽ ബാങ്കിൽ മാത്രമുള്ളത്. തൊട്ടുപിന്നാലെ 80,234 കോടിയുമായി സ്റ്റേറ്റ് ബാങ്ക് ഓഫ് ഇന്ത്യയുമുണ്ട്.

കനറ ബാങ്ക് (21,914 കോടി), എച്ച്.ഡി.എഫ്.സി (18,338 കോടി), ഐ.സി.ഐ.സി.ഐ (13,242 കോടി) എന്നിവയാണ് പട്ടികയിലെ മറ്റ് മുൻനിര ബാങ്കുകൾ.

English Summary

The NRI deposits in Kerala’s banking sector have achieved a historic milestone by crossing the ₹3 lakh crore mark for the first time. As of September 30, 2025, the total deposit stands at ₹3,03,464.57 crore. This marks a significant recovery after a slight dip in the previous quarter, with a growth of 5.75% in just three months.