ലേണേഴ്‌സ് ലൈസൻസ്; സുപ്രധാന മാറ്റം

ലേണേഴ്‌സ് ലൈസൻസ്; സുപ്രധാന മാറ്റം

തിരുവനന്തപുരം ∙ ലേണേഴ്‌സ് ലൈസൻസ് പുതുക്കുന്നതിനുള്ള കണ്ണുപരിശോധന നിർബന്ധം മോട്ടോർ വാഹന വകുപ്പ് ഒഴിവാക്കി. 

നിലവിൽ ലേണേഴ്‌സ് ലൈസൻസിന് ആറുമാസമാണ് കാലാവധി. ഈ കാലയളവിനുള്ളിൽ സ്ഥിര ലൈസൻസ് നേടാൻ കഴിയാത്തവർക്ക് ലേണേഴ്‌സ് ലൈസൻസ് പുതുക്കേണ്ടിവരും.

ഇതുവരെ പുതുക്കലിനായി വീണ്ടും കണ്ണുപരിശോധന നടത്തി മെഡിക്കൽ സാക്ഷ്യപത്രം ഹാജരാക്കണമെന്നായിരുന്നു വ്യവസ്ഥ. പുതിയ തീരുമാനത്തോടെ ഈ നടപടിക്രമം ഒഴിവാക്കും.

അതേസമയം, ഡ്രൈവിങ് ടെസ്റ്റ് വിജയകരമായി പൂർത്തിയാക്കുന്ന ദിവസം തന്നെ ഡിജിറ്റൽ ഡ്രൈവിങ് ലൈസൻസ് നൽകാനും മോട്ടോർ വാഹന വകുപ്പ് തീരുമാനിച്ചിട്ടുണ്ട്.

വാഹന പരിശോധനാ നടപടികൾ വേഗത്തിലാക്കുന്നതിന്റെ ഭാഗമായി വെഹിക്കിൾ ഇൻസ്‌പെക്ടറും അസിസ്റ്റന്റ് വെഹിക്കിൾ ഇൻസ്‌പെക്ടറും ഉൾപ്പെടുന്ന സംഘത്തിന് ഒരു ദിവസം പരമാവധി 40 ഡ്രൈവിങ് ടെസ്റ്റുകളും 50 വാഹന ഫിറ്റ്നസ് പരിശോധനകളും നടത്താൻ അനുമതി നൽകി. 

ഇതോടെ വാഹന ഫിറ്റ്നസ് പരിശോധനയ്ക്കുള്ള തിരക്ക് കുറയുമെന്നാണ് വിലയിരുത്തൽ.

English Summary

The Kerala Motor Vehicles Department has removed the mandatory eye test requirement for renewing learner’s licences. Learner’s licences are valid for six months, and those unable to obtain a permanent licence within this period can renew without submitting a fresh eye test certificate. The department has also decided to issue digital driving licences on the day candidates pass the driving test. In addition, inspection teams have been allowed to conduct more daily driving tests and vehicle fitness checks to reduce delays.