ന്യൂനമർദ്ദം അതി തീവ്ര ന്യൂനമർദ്ദമായി, മൂന്ന് മണിക്കൂറിനുള്ളിൽ ചുഴലിക്കാറ്റാകും; ഇന്ന് ശക്തമായ മഴയ്ക്ക് സാധ്യത
തിരുവനന്തപുരം: സംസ്ഥാനത്ത് ഇന്ന് ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി. പ്രത്യേകിച്ച് തിരുവനന്തപുരം ജില്ലയിൽ യെല്ലോ അലർട്ട് പ്രഖ്യാപിച്ചിരിക്കുകയാണ്.
ഒറ്റപ്പെട്ട സ്ഥലങ്ങളിൽ ശക്തമായ മഴ പെയ്യാൻ സാധ്യതയുണ്ടെന്നാണ് അറിയിപ്പ്.24 മണിക്കൂറിൽ 64.5 മുതൽ 115.5 മില്ലിമീറ്റർ വരെ ലഭിക്കുന്ന മഴയാണ് ‘ശക്തമായ മഴ’യായി പരിഗണിക്കുന്നത്.
അതേസമയം, തെക്കുപടിഞ്ഞാറൻ ബംഗാൾ ഉൾക്കടലും ശ്രീലങ്ക തീരവും ചേർന്ന പ്രദേശത്ത് രൂപപ്പെട്ട ശക്തമായ ന്യൂനമർദ്ദം ഇന്ന് രാവിലെ 8.30ഓടെ അതി തീവ്ര ന്യൂനമർദ്ദമായി (Deep Depression) ശക്തിപ്രാപിച്ചു.
അടുത്ത മൂന്ന് മണിക്കൂറിനുള്ളിൽ ഇത് ചുഴലിക്കാറ്റായി രൂപാന്തരപ്പെടാൻ സാധ്യതയുണ്ട്. തുടർന്നുള്ള 48 മണിക്കൂറിൽ വടക്ക്-വടക്കുപടിഞ്ഞാറ് ദിശയിൽ സഞ്ചരിച്ച് തെക്കുപടിഞ്ഞാറൻ ബംഗാൾ ഉൾക്കടൽ വഴി വടക്കൻ തമിഴ്നാട്, പുതുച്ചേരി, തെക്കൻ ആന്ധ്രാപ്രദേശ് തീരത്തേക്ക് നീങ്ങുമെന്നാണ് കണക്ക്.
ഇതിനാൽ അടുത്ത അഞ്ച് ദിവസങ്ങളിൽ കേരളത്തിൽ ലഘുവായോ ഇടത്തരം തോതിലുള്ളതോ ആയ മഴ തുടരുമെന്ന് കേന്ദ്ര കാലാവസ്ഥ വകുപ്പ് അറിയിച്ചു.
യെല്ലോ അലർട്ട് ലഭിച്ച ജില്ലകൾ
നാളെ:
തിരുവനന്തപുരം, കൊല്ലം, പത്തനംതിട്ട, ഇടുക്കി
മറ്റന്നാൾ:
പത്തനംതിട്ട, ഇടുക്കി, പാലക്കാട്, മലപ്പുറം, വയനാട്
കൂടാതെ, അടുത്ത മൂന്ന് മണിക്കൂറിനുള്ളിൽ തിരുവനന്തപുരം, കൊല്ലം ജില്ലകളിലെ ചില പ്രദേശങ്ങളിൽ നേരിയ മഴയ്ക്കും സാധ്യതയുണ്ടെന്ന് അറിയിച്ചു.
English Summary
The India Meteorological Department (IMD) has issued a yellow alert for Thiruvananthapuram as heavy rainfall is likely in Kerala today. Rainfall between 64.5 mm and 115.5 mm in 24 hours is classified as heavy rain.
A strengthened low-pressure area over the Southwest Bay of Bengal and the Sri Lankan coast intensified into a deep depression by 8:30 AM today. It is likely to turn into a cyclone within the next three hours and move north–northwest towards the coasts of northern Tamil Nadu, Puducherry, and southern Andhra Pradesh over the next 48 hours. Light to moderate rainfall is expected across Kerala for the next five days.
Yellow alerts have been issued for multiple districts over the next two days, and light rain is expected in parts of Thiruvananthapuram and Kollam within the next three hours.
kerala-heavy-rain-yellow-alert-cyclone-update
Kerala weather, heavy rain, yellow alert, Thiruvananthapuram, IMD, cyclone update, deep depression, Bay of Bengal, monsoon, Kerala rain alert
