ഒറ്റയടിക്ക് കുറഞ്ഞത് 3680 രൂപ; സ്വര്ണവില 1,10,000ന് മുകളില് തന്നെ, വെള്ളിയിലും ഇടിവ്
കൊച്ചി ∙ സംസ്ഥാനത്ത് സ്വർണവിലയിൽ ചാഞ്ചാട്ടം തുടരുന്നു. കഴിഞ്ഞ ദിവസങ്ങളായി ഉയർച്ചയും ഇടിവും മാറിമാറി അനുഭവപ്പെട്ട സ്വർണവില ഇന്ന് വീണ്ടും താഴ്ന്നു. ഒരു പവൻ സ്വർണത്തിന് 3,680 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 1,13,240 രൂപയായി.
ഗ്രാമിന് 460 രൂപയുടെ ഇടിവാണ് രേഖപ്പെടുത്തിയത്. ഇന്ന് ഒരു ഗ്രാം സ്വർണത്തിന് 14,155 രൂപയാണ് വില. ഇന്നലെ രാവിലെ പവന് ഏകദേശം 5,000 രൂപ വരെ ഉയർന്ന സ്വർണവില, ഉച്ചയോടെ 800 രൂപ കുറഞ്ഞിരുന്നു.
ജനുവരി 29-ന് രേഖപ്പെടുത്തിയ 1,31,160 രൂപയാണ് സംസ്ഥാനത്തെ സ്വർണവിലയിലെ സർവകാല റെക്കോർഡ്. തുടർന്ന് ദിവസങ്ങളിൽ വിലയിൽ ഇടിവാണ് ദൃശ്യമായത്.
ഡിസംബർ 23-നാണ് കേരളത്തിൽ സ്വർണവില ആദ്യമായി ഒരു ലക്ഷം രൂപ കടന്നത്. അന്താരാഷ്ട്ര വിപണിയിലെ മാറ്റങ്ങളും ആഗോള സാമ്പത്തിക അസ്ഥിരതയും കേരളത്തിലെ സ്വർണവിലയെ പ്രധാനമായും സ്വാധീനിക്കുന്ന ഘടകങ്ങളാണ്.
വെള്ളിവില
സംസ്ഥാനത്ത് വെള്ളിവിലയും ഇന്ന് ഗണ്യമായി കുറഞ്ഞു. ഒരു കിലോ വെള്ളിക്ക് 3,00,000 രൂപയാണ് ഇന്നത്തെ വില. ഒറ്റയടിക്ക് 20,000 രൂപയുടെ കുറവാണ് രേഖപ്പെടുത്തിയത്. ഗ്രാമിന് 20 രൂപ കുറഞ്ഞതോടെ ഒരു ഗ്രാം വെള്ളിയുടെ വില 300 രൂപയായി.
English Summary
Gold prices in Kerala witnessed another decline amid ongoing volatility. The price of gold fell by ₹3,680 per sovereign, taking the rate to ₹1,13,240, while the per gram price dropped by ₹460 to ₹14,155. Silver prices also declined sharply, falling by ₹20,000 per kg to ₹3,00,000. Global market fluctuations and international economic uncertainty continue to influence precious metal prices.Gold prices in Kerala witnessed another decline amid ongoing volatility. The price of gold fell by ₹3,680 per sovereign, taking the rate to ₹1,13,240, while the per gram price dropped by ₹460 to ₹14,155. Silver prices also declined sharply, falling by ₹20,000 per kg to ₹3,00,000. Global market fluctuations and international economic uncertainty continue to influence precious metal prices.
kerala-gold-price-falls-again-silver-rate-drops
Gold price, Silver price, Kerala gold rate, Precious metals, Gold market, Silver market, International market, Commodity prices









