ഉച്ചയ്ക്ക് ശേഷം വീണ്ടും കൂടി, ഒറ്റ ദിവസം 3760 രൂപയുടെ വർധന; ഒന്നേകാൽ ലക്ഷത്തോട് അടുത്ത് സ്വർണവില…
തിരുവനന്തപുരം: സംസ്ഥാനത്ത് ഇന്ന് ഉച്ചയ്ക്ക് ശേഷം വീണ്ടും സ്വർണവില കുതിച്ചുയർന്നു. പവന് 1,400 രൂപയുടെ വർധനവാണ് ഉണ്ടായത്.
ഇതോടെ 22 കാരറ്റ് സ്വർണത്തിന്റെ ഒരു പവന്റെ വില 1,22,000 രൂപ കടന്ന് 1,22,520 രൂപയായി.
ഇന്ന് രാവിലെ തന്നെ പവന് 2,360 രൂപയുടെ വർധന രേഖപ്പെടുത്തിയിരുന്നു. സ്വർണവും വെള്ളിയും നിലവിൽ സർവ്വകാല റെക്കോർഡ് നിരക്കിലാണ്.
രാജ്യാന്തര വിപണിയിൽ സ്വർണവില ആദ്യമായി ഔൺസിന് 5,000 ഡോളർ കടന്നതാണ് ആഭ്യന്തര വിപണിയിലും വൻ വർധനവിന് കാരണമായത്.
ഡോളറിനെതിരെ രൂപയുടെ മൂല്യം ഇടിഞ്ഞതും ഇന്ത്യയിൽ സ്വർണവില ഉയരാൻ ഇടയാക്കി. ആഗോള വിപണിയിലെ ചലനങ്ങൾ, രൂപയുടെ മൂല്യ വ്യത്യാസം, നികുതികൾ, ആവശ്യകത, അന്താരാഷ്ട്ര അനിശ്ചിതത്വങ്ങൾ തുടങ്ങിയ ഘടകങ്ങളുടെ സംയുക്ത ഫലമായാണ് കേരളത്തിൽ സ്വർണവില കുതിച്ചുയരുന്നത്.
ഈ മാസത്തിലെ ഏറ്റവും കുറഞ്ഞ സ്വർണവില ജനുവരി ഒന്നിനായിരുന്നു. അന്ന് പവന് 99,040 രൂപയും ഗ്രാമിന് 12,380 രൂപയുമായിരുന്നു വില.
ജനുവരി മാസത്തിൽ മാത്രം സ്വർണവിലയിൽ ഉണ്ടായ വർധന 23,000 രൂപയ്ക്കുമുകളിൽ എത്തി.
ഇന്ന് ഏറ്റവും കുറഞ്ഞ പണിക്കൂലിയായ അഞ്ച് ശതമാനവും മൂന്ന് ശതമാനം ജിഎസ്ടിയും ഹാൾമാർക്കിങ് ചാർജും ഉൾപ്പെടുത്തി കണക്കാക്കിയാൽ, ഒരു പവൻ സ്വർണാഭരണം വാങ്ങാൻ 1,50,000 രൂപയ്ക്കുമുകളിൽ ചെലവാകും.
ഇന്നത്തെ സ്വർണനിരക്കുകൾ
- ഒരു ഗ്രാം 22 കാരറ്റ് സ്വർണം – 15,315 രൂപ
- ഒരു ഗ്രാം 18 കാരറ്റ് സ്വർണം – 12,580 രൂപ
- ഒരു ഗ്രാം 14 കാരറ്റ് സ്വർണം – 9,795 രൂപ
- ഒരു ഗ്രാം 9 കാരറ്റ് സ്വർണം – 6,315 രൂപ
വെള്ളിവിലയും റെക്കോർഡ് ഉയരത്തിലാണ്. ഇന്ന് വെള്ളി ഗ്രാമിന് 380 രൂപയും പത്ത് ഗ്രാമിന് 3,800 രൂപയുമാണ്.
അന്താരാഷ്ട്ര വിപണിയിലെ വിലമാറ്റങ്ങളും ഡോളറുമായി താരതമ്യം ചെയ്തുള്ള രൂപയുടെ മൂല്യ വ്യത്യാസങ്ങളുമാണ് കേരളത്തിലെ വെള്ളിവിലയെ പ്രധാനമായും സ്വാധീനിക്കുന്നത്.
English Summary
Gold prices in Kerala surged sharply on Tuesday, with the price of one sovereign of 22-carat gold rising to ₹1,22,520, crossing the ₹1.22 lakh mark. The increase follows a historic rise in global gold prices, which crossed $5,000 per ounce for the first time. Silver prices also touched record levels. Currency depreciation, global uncertainty, and strong demand contributed to the price rise
kerala-gold-price-crosses-1-22-lakh-record-silver-rates
Gold Price Today, Kerala Gold Rate, Silver Price, Gold Market, International Gold Price, Kerala News, Business News
