കേരള ബ്ലാസ്റ്റേഴ്സ് പരിശീലകൻ മിഖായേൽ സ്റ്റാറേയെ പുറത്താക്കി. സീസണിലെ ക്ലബിന്റെ ദുർബല പ്രകടനത്തെ തുടർന്നാണ്സ്വീഡിഷ് കോച്ചും സഹ പരിശീലകരും സ്ഥാനം നഷ്ടപ്പെട്ട പുറത്തായത്. തുടർ തോൽവികളിൽ പ്രതിഷേധം ശക്തമായതോടെ, മാനേജ്മെന്റ് പരിശീലകനെ പുറത്താക്കാനുള്ള കടുത്ത നടപടിയിലേക്ക് കടന്നു എന്നുവേണം കരുതാൻ. Kerala Blasters fired coach Mikhail Starre
ബെംഗളൂരു എഫ്.സിക്കും മോഹൻ ബഗാൻ സൂപ്പർ ജയന്റ്സിനുമെതിരായ അവസാന രണ്ട് മത്സരങ്ങളിലും ടീം തോറ്റു. ബെംഗളൂരുവിനെതിരെ ഉണ്ടായ തോൽവിക്ക് പിന്നാലെ, ക്ലബിനെതിരെ ആരാധകരുടെ ‘മഞ്ഞപ്പട’ പരസ്യമായി രംഗത്തെത്തിയിരുന്നു.
ടിക്കറ്റ് വില്പനയിൽ നിന്ന് വിട്ടുനിന്നു പ്രതിഷേധം അറിയിക്കുമെന്നും, സ്റ്റേഡിയത്തിൽ അകത്തും പുറത്തും പ്രതിഷേധ പരിപാടികൾ സംഘടിപ്പിക്കുമെന്നും ‘മഞ്ഞപ്പട’ സ്റ്റേറ്റ് കോർ കമ്മറ്റി അറിയിച്ചു. ഐഎസ്എല്ലിൽ 12 മത്സരങ്ങളിൽ 3 ജയവും 2 സമനിലയും 7 തോൽവിയും ഉൾപ്പെടെ 11 പോയന്റുമായി ബ്ലാസ്റ്റേഴ്സ് 10ാം സ്ഥാനത്താണ്.
