1500 രൂപയ്ക്ക് 3300 സ്ക്വയർ ഫീറ്റ് വീടും 26 സെന്റ് ഭൂമിയും…ഇടങ്കോലിട്ട് ലോട്ടറി വകുപ്പ്
കേളകം: കടബാധ്യതയിൽ നിന്നു രക്ഷപ്പെടാനും ഭാര്യയുടെ ചികിത്സയ്ക്കാവശ്യമായ ചെലവ് കണ്ടെത്താനും വേണ്ടി വീടും ഭൂമിയും സമ്മാനമായി പ്രഖ്യാപിച്ച് കൂപ്പൺ നറുക്കെടുപ്പ് നടത്താൻ ശ്രമിച്ച കേളകം പഞ്ചായത്തിലെ അടയ്ക്കാത്തോട് സ്വദേശി കാട്ടുപാലം ബെന്നി തോമസിന്റെ നീക്കം പൊലീസ് തടഞ്ഞു.
ലോട്ടറി വകുപ്പ് നൽകിയ പരാതിയുടെ അടിസ്ഥാനത്തിൽ ബെന്നിക്കെതിരെ കേസ് രജിസ്റ്റർ ചെയ്യുകയും നറുക്കെടുപ്പിനായി അച്ചടിച്ച കൂപ്പണുകൾ പൊലീസ് കസ്റ്റഡിയിലെടുക്കുകയും ചെയ്തു.
ഇന്നലെയാണ് നറുക്കെടുപ്പ് നടത്താനിരുന്നത്. ലോട്ടറി നിയമങ്ങളുടെ വ്യക്തമായ ലംഘനമാണിതെന്ന് ചൂണ്ടിക്കാട്ടിയാണ് പൊലീസ് നടപടി സ്വീകരിച്ചത്.
കഴിഞ്ഞ മാർച്ച് മാസത്തിലാണ് ബെന്നി ഈ കൂപ്പൺ പദ്ധതി ആരംഭിച്ചത്. 1500 രൂപ വിലയുള്ള ഒരു കൂപ്പൺ വാങ്ങിയാൽ 3300 സ്ക്വയർ ഫീറ്റ് വിസ്തീർണ്ണമുള്ള വീടും 26 സെന്റ് ഭൂമിയും സമ്മാനമായി ലഭിക്കുമെന്നായിരുന്നു സാമൂഹ്യ മാധ്യമങ്ങളിലൂടെ നൽകിയ അറിയിപ്പ്.
കടബാധ്യത 85 ലക്ഷം രൂപയ്ക്ക് മുകളിലെത്തുകയും ഭാര്യയുടെ തുടർചികിത്സയ്ക്ക് വലിയ തുക കണ്ടെത്തേണ്ടി വരികയും ചെയ്ത സാഹചര്യത്തിലാണ് പദ്ധതി ആവിഷ്കരിച്ചതെന്ന് ബെന്നി പറയുന്നു.
ആകെ 10,000 കൂപ്പണുകളാണ് അച്ചടിച്ചത്. പദ്ധതി ആരംഭിച്ച ഘട്ടത്തിൽ പൊലീസ് അന്വേഷണം നടത്തിയിരുന്നെങ്കിലും മറ്റ് നടപടികളൊന്നും ഉണ്ടായില്ലെന്നും, അവസാന ഘട്ടത്തിൽ എടുത്ത നടപടി തനിക്ക് വലിയ പ്രതിസന്ധി സൃഷ്ടിച്ചിരിക്കുകയാണെന്നും ബെന്നി പ്രതികരിച്ചു.
കടം 85 ലക്ഷത്തിന് മുകളിൽ എത്തുകയും ഭാര്യയുടെ തുടർചികിത്സയ്ക്കു വൻ തുക ആവശ്യമായി വന്നതോടെയുമാണ് കൂപ്പണുകൾ അച്ചടിച്ചത്. 10000 കൂപ്പണുകൾ അച്ചടിച്ചു.
പദ്ധതി ആവിഷ്കരിച്ചപ്പോൾ പൊലീസ് അന്വേഷണം ഉണ്ടായെങ്കിലും മറ്റ് നടപടികൾ ഉണ്ടായില്ലെന്നും അവസാന ഘട്ടത്തിലെ നടപടി വലിയ പ്രയാസമാണ് സൃഷ്ടിക്കുന്നതെന്നും ബെന്നി പറയുന്നു.
English Summary
Police have stopped a coupon-based lottery scheme initiated by Benny Thomas, a resident of Adayanathodu in Kelakam panchayat, who planned to give away his house and land as a prize to clear mounting debts and meet his wife’s medical expenses. Acting on a complaint from the Lottery Department, police registered a case and seized the coupons, stating that the scheme violated lottery laws. Benny had announced the plan on social media, offering a house and 26 cents of land for a ₹1500 coupon.
kelakam-house-land-coupon-lottery-police-action
Kelakam, coupon lottery case, lottery law violation, police action, debt crisis, medical expenses, Kerala news
