എടാ പാപി… ഇത്രയും ഒരുങ്ങി വന്നിട്ട് പൂ കൊള്ളാമെന്നോ? അവാർഡ് നേട്ടത്തിനിടയിലും ആരാധകരെ ചിരിപ്പിച്ച് കീർത്തി സുരേഷ്
മികച്ച നടിക്കുള്ള തമിഴ്നാട് സർക്കാരിന്റെ പുരസ്കാരം നേടിയ സന്തോഷത്തിലാണ് നടി കീർത്തി സുരേഷ്. അവാർഡ് നേട്ടത്തിന് പിന്നാലെ ചടങ്ങിൽ പങ്കെടുത്തതിനിടെ ഉണ്ടായ ഒരു രസകരമായ നിമിഷമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
ചുവന്ന സാരിയിൽ മുല്ലപ്പൂവിട്ട് സുന്ദരിയായി അണിഞ്ഞെത്തിയ കീർത്തിയെ കണ്ട ആരാധകൻ “നല്ല ഭംഗിയുള്ള പൂവാണല്ലോ” എന്ന് പ്രശംസിച്ചു.
അതിന് കീർത്തി ചിരിച്ചുകൊണ്ട് “ഇത്രയൊക്കെ ഒരുങ്ങി വന്നപ്പോ പൂ കൊള്ളാമെന്നോ? എന്റെ ലുക്ക് എങ്ങനെയുണ്ടെന്ന് പറയണം” എന്ന് തമാശയായി മറുപടി നൽകി.
നടിയുടെ സ്വാഭാവികമായ പ്രതികരണവും ചിരിയും ആരാധകർ ഏറ്റെടുത്തതോടെ വീഡിയോ വേഗത്തിൽ വൈറലായി. അതേസമയം ചുവന്ന സാരിയിലുള്ള കീർത്തിയുടെ ചിത്രങ്ങളും സമൂഹമാധ്യമങ്ങളിൽ ശ്രദ്ധ നേടുകയാണ്.
അവാർഡ് ലഭിച്ചതിനെ തുടർന്ന് താരം പങ്കുവച്ച നന്ദി കുറിപ്പും ആരാധകർ ഏറ്റെടുത്തു.
“എന്റെ ആദ്യ സംസ്ഥാന അവാർഡിനായി തമിഴ്നാട് സർക്കാരിനോട് നന്ദി പറയുന്നു. ഈ അവസരം നൽകിയ സംവിധായകനും തുടർച്ചയായി പിന്തുണ നൽകിയ സഹപ്രവർത്തകർക്കും അണിയറപ്രവർത്തകർക്കും എന്റെ ടീമിനും നന്ദി.
മറ്റു എല്ലാ പുരസ്കാര ജേതാക്കൾക്കും അഭിനന്ദനങ്ങൾ,” എന്നാണ് കീർത്തി കുറിച്ചത്.
English Summary
Actress Keerthy Suresh is celebrating winning the Tamil Nadu State Award for Best Actress. A lighthearted moment from the award event went viral when a fan complimented her jasmine flowers and she jokingly asked about her overall look instead. Her candid response and smile delighted fans, while her red saree photos and gratitude note on social media also gained attention.
keerthy-suresh-state-award-viral-reply
Keerthy Suresh, Tamil Nadu State Award, Viral Video, Celebrity News, Entertainment, South Indian Cinema, Actress, Social Media
