കോയമ്പത്തൂര്‍: ഹോസ്റ്റൽ കെട്ടിടത്തിലെ നാലാം നിലയില്‍ നിന്ന് ചാടിയ കോളേജ് വിദ്യാർഥിക്ക് ഗുരുതര പരിക്ക്. മൂന്നാം വര്‍ഷ ബി.ടെക്ക് വിദ്യാര്‍ഥിയായ ഈറോഡ് പെരുന്തുറെയ്ക്ക് സമീപമുള്ള മേക്കൂര്‍ സ്വദേശി എ പ്രഭു(19)വിനാണ് പരിക്കേറ്റത്. അമാനുഷിക ശക്തിയുണ്ടെന്ന് വിശ്വസിച്ച് നാലാം നിലയിൽ നിന്ന് ചാടുകയായിരുന്നു എന്നാണ് വിവരം.((Jumped from the fourth floor of the hostel; student was seriously injured)
കോയമ്പത്തൂരിലെ സ്വകാര്യ എൻജിനിയറിങ് കോളേജ് പരിസരത്തുള്ള സ്റ്റുഡന്റ്‌സ് ഹോസ്റ്റലിലാണ് സംഭവം. വിദ്യാർത്ഥിയുടെ കൈകാലുകൾക്ക് പൊട്ടലുണ്ടെന്നും തലയിൽ പരിക്കേറ്റിട്ടുണ്ട്. യുവാവ് നിലവിൽ കോയമ്പത്തൂരിലെ സ്വകാര്യ ആശുപത്രിയിൽ ചികിത്സയിൽ തുടരുകയാണ്.
സൂപ്പര്‍ഹീറോകളെ പോലെ തനിക്കും അമാനുഷിക ശക്തിയുണ്ടെന്നും ഏത് കെട്ടിടത്തില്‍ നിന്ന് വേണമെങ്കിലും ചാടാന്‍ കഴിയുമെന്നും പ്രഭു വിശ്വസിച്ചിരുന്നതായി പോലീസ് പറയുന്നു. ഈ അമാനുഷിക ശക്തിയെ പറ്റി മുറിയില്‍ ഒപ്പമുള്ളവരോടും പ്രഭു സംസാരിച്ചിരുന്നു.
