കോട്ടയം: വിദേശത്ത് ജോലി വാഗ്‌ദാനം ചെയ്ത് തട്ടിപ്പ് നടത്തിയ കേസിൽ എസ്ഐ ഉൾപ്പെടെ രണ്ടുപേർ അറസ്റ്റിൽ. തോപ്പുംപടി സ്റ്റേഷനിലെ എസ്ഐ ആയിരുന്ന സി.പി സജയൻ ആണ് പിടിയിലായത്. കോട്ടയം വെസ്റ്റ് പോലീസാണ് പ്രതിയെ പിടികൂടിയത്.
എസ്‌ഐയ്ക്കൊപ്പം മുഖ്യപ്രതി മല്ലപ്പള്ളി സ്വദേശി പ്രീതിയും പിടിയിലായിട്ടുണ്ട്. കോട്ടയത്തെ ക്യാൻ അഷ്വർ എന്ന സ്ഥാപനം കേന്ദ്രീകരിച്ചായിരുന്നു തട്ടിപ്പ് നടത്തിയത്. കർണാടകയിലെ കുടകിൽ നിന്നാണ് പ്രതികൾ പിടിയിലായത്. അറസ്റ്റിലായ സജയൻ നിലവിൽ സസ്‌പെൻഷനിലാണ്.
