14 തവണ നാഗാര്ജുനയില് നിന്ന് അടി വാങ്ങേണ്ടി വന്നു
ചന്ദ്രലേഖ എന്ന സിനിമയുടെ ചിത്രീകരണത്തിനിടെയുണ്ടായ വ്യത്യസ്തമായ ഓര്മകള് പങ്കുവച്ച് നടി ഇഷ കോപികര്. ചിത്രത്തിലെ ഒരു സീനില് നാഗാര്ജുന ഇഷയെ അടിക്കുന്ന സീനുണ്ടായിരുന്നു എന്നാല് പല തവണ ടേക്ക് പോകേണ്ടി വന്നതിനാല് 14 തവണ നാഗാര്ജുനയില് നിന്ന് അടി വാങ്ങേണ്ടി വന്നുവെന്ന് നടി പറഞ്ഞു.
പിങ്ക് വില്ലയോട് സംസാരിക്കുകയായിരുന്നു നടി.’ചന്ദ്രലേഖ എന്ന സിനിമയുടെ സെറ്റിൽ വെച്ചായിരുന്നു സംഭവം നടന്നത്. അത് എന്റെ രണ്ടാമത്തെ സിനിമ ആയിരുന്നു. ചിത്രത്തിൽ നാഗാർജുന തന്നെ അടിക്കുന്ന ഒരു രംഗമുണ്ട്. ഞാൻ അദ്ദേഹത്തോട് ശരിക്കും അടിക്കാൻ പറഞ്ഞു. അപ്പോൾ ഓക്കെ ആണോ എന്ന് ആദ്യം അദ്ദേഹം എന്നോട് ചോദിച്ചു. പക്ഷെ എനിക്ക് അടി കിട്ടുമ്പോഴുള്ള ആ ഇമോഷൻ ശരിക്കും ഫീൽ ചെയ്തു അഭിനയിക്കണം എന്ന് മനസിലുണ്ടായിരുന്നു. ആദ്യം വളരെ ചെറുതായിട്ടാണ് അടിച്ചത്. അതുകൊണ്ട് തന്നെ എനിക്ക് ഒന്നും തോന്നിയില്ല.എനിക്ക് ഒരു പ്രശ്നമുണ്ട്, യഥാർത്ഥ ജീവിതത്തിൽ എനിക്ക് ദേഷ്യപ്പെടാൻ കഴിയും, പക്ഷേ ക്യാമറയ്ക്ക് മുന്നിൽ എനിക്ക് ദേഷ്യപ്പെടാൻ സാധിക്കില്ല.
അത് എന്തുകൊണ്ടെന്ന് എനിക്കറിയില്ല. ഈ ഒരു പ്രശ്നം കൊണ്ട് മാത്രം നാഗാർജുനയ്ക്ക് എന്നെ 14 തവണ അടിക്കേണ്ടി വന്നു. അവസാനമായപ്പോഴേക്കും മുഖത്ത് പാടുകൾ വീണു. ആ രംഗത്തിന് ശേഷം നാഗാർജുന എന്നോട് വന്നു ക്ഷമ ചോദിക്കുകയായിരുന്നു. പക്ഷെ അത് എന്റെ ആവശ്യപ്രകാരം ചെയ്ത സീൻ ആയതിനാൽ ഞാൻ അദ്ദേഹത്തിനോട് കുഴപ്പമില്ല എന്ന് പറഞ്ഞു’, ഇഷ കോപികർ പറഞ്ഞു.
മോഹൻലാലിനെ നായകനാക്കി പ്രിയദർശൻ ഒരുക്കിയ ചന്ദ്രലേഖ എന്ന സിനിമയുടെ റീമേക്ക് ആണ് ഈ നാഗാർജുന ചിത്രം. രമ്യ കൃഷ്ണൻ, ശ്രീകാന്ത്, എം എസ് നാരായണ തുടങ്ങി നിരവധി താരങ്ങൾ ഈ തെലുങ്കിൽ റീമേക്കിൽ അണിനിരന്നു. ചിത്രം ബോക്സ് ഓഫീസിൽ വിജയമായിരുന്നു.
അഭ്യൂഹങ്ങൾക്കും ഊഹാപോഹങ്ങൾക്കും വിട; വിവാഹ നിശ്ചയം കഴിഞ്ഞു, നാഗ ചൈത്യനും ശോഭിതയും ഇനി ഒന്നിച്ച്
നടൻ നാഗ ചെെതന്യയും നടി ശോഭിത ധൂലിപാലയും തമ്മിലുള്ള വിവാഹനിശ്ചയം നടന്നു. ഹെെദരാബാദിലെ നാഗ ചെെതന്യയുടെ വസതിയിൽ വെച്ചാണ് വിവാഹനിശ്ചയം നടന്നത്. ഇരുവരുടെയും ഏറ്റവും അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്.
നാഗ ചെെതന്യയുടെ പിതാവ് നാഗാർജുന അക്കിനേനിയാണ് വിവാഹ നിശ്ചയ വാർത്ത ഔദ്യോഗികമായി എക്സ് പോസ്റ്റിലൂടെ അറിയിച്ചത്. ചടങ്ങിന്റെ ചിത്രങ്ങളും പങ്കുവെച്ചിട്ടുണ്ട്. നാഗ ചെെതന്യയും ശോഭിതയും പ്രണയത്തിലാണെന്ന് അഭ്യൂഹം ഏറെ നാളുകളായി പ്രചരിക്കുന്നുണ്ടെങ്കിലും ഇരുവരും ഭാഗത്തു നിന്ന് പ്രതികരണം വന്നിരുന്നില്ല. ഇരുവരും ഒന്നിച്ചുള്ള ചിത്രങ്ങൾക്ക് സോഷ്യൽ മീഡിയയിൽ വലിയ പ്രചാരണം ആണ് ലഭിച്ചത്.
മലയാളം, ഹിന്ദി, തമിഴ്, തെലുങ്ക് ഭാഷകളിൽ സാന്നിധ്യ മറിയിച്ച നടിയാണ് ശോഭിത ധൂലിപാല. മലയാളത്തിൽ കുറുപ്പ് എന്ന ചിത്രത്തിലൂടെ ശ്രദ്ധനേടിയിട്ടുണ്ട്. നടി സാമന്തയായിരുന്നു നാഗചൈതന്യയുടെ മുൻപങ്കാളി. 2017 ൽ ആണ് ഇരുവരും വിവാഹിതരായത്. എന്നാൽ നാല് വർഷത്തെ ദാമ്പത്യജീവിതത്തിനൊടുവിൽ 2021 ഒക്ടോബറിൽ വേർപിരിയുകയായിരുന്നു
English Summary :
Isha Koppikar recalls her experience from the film Chandralekha, where she was slapped 14 times by Nagarjuna during a scene.
isha-koppikar-nagarjuna-chandralekha-shoot-14-slaps
Isha Koppikar, Nagarjuna, Chandralekha movie, Telugu cinema, Priyadarshan remake, Mohanlal Chandralekha, Telugu film news, Isha Koppikar interview, Nagarjuna movies
