ഇൻസ്റ്റഗ്രാം പ്രണയവല: ‘കിനാവിന്റെ രാജകുമാരൻ’ അറസ്റ്റിൽ
കോഴിക്കോട്: ഇൻസ്റ്റഗ്രാം വഴി പ്രണയം നടിച്ച് യുവതികളെ വശീകരിച്ച് സ്വർണം തട്ടിയെടുത്ത കേസിൽ ‘കിനാവിന്റെ രാജകുമാരൻ’ എന്ന പേരിൽ അറിയപ്പെട്ടിരുന്ന യുവാവ് പൊലീസ് പിടിയിലായി.
മലപ്പുറം കോട്ടക്കൽ സ്വദേശി മുഹമ്മദ് ജസീലിനെയാണ് വടകര പൊലീസ് അറസ്റ്റ് ചെയ്തത്.
വളയം സ്വദേശിയായ യുവതിയുടെ പരാതിയിലാണ് നടപടി. ഇൻസ്റ്റഗ്രാമിലൂടെ പരിചയപ്പെട്ട ഇയാൾ യുവതിയെ വിവിധ സ്ഥലങ്ങളിലേക്ക് കൂട്ടിക്കൊണ്ടുപോയ ശേഷം ലോഡ്ജുകളിൽ എത്തിച്ച് സ്വർണം കൈക്കലാക്കിയെന്നാണ് പരാതി.
ഈ കേസിൽ മാത്രം 12 പവൻ സ്വർണം തട്ടിയെടുത്തതായി പൊലീസ് പറഞ്ഞു.
ഇതേ യുവതി നൽകിയ ബലാത്സംഗക്കേസും ഇയാൾക്കെതിരെ നിലവിലുണ്ട്. കൂടാതെ പാലക്കാട് ജില്ലയിൽ മോഷണക്കേസിലും പ്രതിയാണ്.
ഇൻസ്റ്റഗ്രാം വഴി സ്ത്രീകളുമായി സൗഹൃദം സ്ഥാപിച്ച് പിന്നീട് കബളിപ്പിച്ച് സ്വർണം തട്ടിയെടുക്കുന്നതാണ് ഇയാളുടെ പ്രധാന രീതി. നിരവധി സ്ത്രീകൾ സമാന രീതിയിൽ വഞ്ചിക്കപ്പെട്ടിട്ടുണ്ടാകാമെന്നാണ് പൊലീസിന്റെ സംശയം.
‘കിനാവിന്റെ രാജകുമാരൻ’ എന്ന പേരിലാണ് ഇയാൾ സോഷ്യൽ മീഡിയയിൽ അറിയപ്പെട്ടിരുന്നത്. കൂടുതൽ പരാതികൾ ലഭിക്കാനിടയുണ്ടെന്ന് പൊലീസ് അറിയിച്ചു.
English Summary
A man known as the “Prince of Dreams” on Instagram has been arrested for allegedly cheating women by posing as a lover and stealing their gold. The accused, Mohammed Jaseel from Kottakkal, Malappuram, was arrested by Vadakara police following a complaint from a woman in Kozhikode.
He reportedly befriended women through Instagram, gained their trust, and later took them to lodges where he stole their gold. In one case alone, he allegedly stole 12 sovereigns of gold.
He also faces a rape case filed by the same complainant and has been previously accused in a theft case in Palakkad. Police suspect more victims may come forward.
