അബുദാബി: കേരളത്തില് നിന്ന് റാസല്ഖൈമയിലേക്ക് നേരിട്ടുള്ള സര്വീസുകൾ പ്രഖ്യാപിച്ച് ഇന്ഡിഗോ എയര്ലൈന്സ്.
കൊച്ചിയില് നിന്നാണ് റാസല്ഖൈമയിലേക്ക് നേരിട്ടുള്ള സര്വീസുകൾ ഉടൻ തുടങ്ങുന്നത്. മാര്ച്ച് 15 മുതലാണ് ഇന്ഡിഗോ കൊച്ചിയില് നിന്ന് റാസല്ഖൈമയിലേക്ക് നേരിട്ട് സര്വീസ് തുടങ്ങുന്നത്. കേരളത്തില് നിന്നും യുഎഇയിലേക്കുള്ള പ്രവാസി യാത്രക്കാര്ക്ക് പുതിയ സർവീസ് ഏറെ ആശ്വാസകരമാകും.
പുതിയ സര്വീസുകള് കൂടിയാകുമ്പോള് ഇന്ഡിഗോയുടെ കേരളത്തില് നിന്ന് യുഎഇയിലേക്ക് നേരിട്ടുള്ള സര്വീസുകളുടെ എണ്ണം ആഴ്ചയില് 49 എണ്ണം ആകും.
ഇന്ത്യക്കും യുഎഇയ്ക്കും ഇടയില് 250 പ്രതിവാര സര്വീസുകളാണ് ഇന്ഡിഗോ ആകെ നടത്തുന്നത്. യാത്രക്കാര്ക്ക് ഇന്ഡിഗോയുടെ വെബ്സൈറ്റ് സന്ദര്ശിച്ചോ മൊബൈല് ആപ്ലിക്കേഷന് വഴിയോ ടിക്കറ്റുകള് ബുക്ക് ചെയ്യാം.
