ഇന്ത്യൻ വിദ്യാർത്ഥി അമേരിക്കയിൽ വെടിയേറ്റ് മരിച്ച നിലയിൽ. തെലങ്കാന സ്വദേശി പ്രവീൺ കുമാർ ഗാംമ്പ(27 )ആൺ കൊല്ലപ്പെട്ടത്. വിസ്കോൺസിൻ-മിൽവാക്കി സർവകലാശാലയിൽ ഡാറ്റാ സയൻസിൽ ബിരുദാനന്തര ബിരുദം നേടുന്നതിനായി 2023- ൽ യുഎസ്സിൽ എത്തിയതാണ് യുവാവ്.
പ്രവീൺ ബുധനാഴ്ച രാവിലെ വാട്സ്ആപ്പ് കോൾ ചെയ്തിരുന്നുവെന്നും പക്ഷേ അത് എടുക്കാം കഴിഞ്ഞില്ലെന്നും, പിന്നീട് തിരിച്ച് വിളിച്ചപ്പോൾ അപരിചിതനായ ഒരാളാണ് ഫോൺ എടുത്ത് സംസാരിച്ചതെന്നും യുവാവിന്റെ പിതാവ് രാഘവുലു പറഞ്ഞു.
യുവാവിന്റെ ശരീരത്തിൽ വെടിയുണ്ടകൾ കണ്ടെത്തിയതായി ചില ബന്ധുക്കൾ അറിയിച്ചതായി ദേശീയ മാധ്യമങ്ങൾ റിപ്പോർട്ട് ചെയ്തു. പക്ഷെ യഥാർഥ മരണകാരണം ഇനിയും വ്യക്തമല്ല. പ്രവീണിന്റെ മരണം സ്ഥിരീകരിച്ചുകൊണ്ട് ചിക്കാഗോയിലെ ഇന്ത്യൻ കോൺസുലേറ്റ് ജനറൽ അനുശോചനം രേഖപ്പെടുത്തി. എന്നാൽ, മരണകാരണം വെളിപ്പെടുത്തിയിട്ടില്ല. യുവാവിന്റെ കുടുംബത്തിന് ആവശ്യമായ സഹായങ്ങൾ നൽകുമെന്ന് കോൺസുലേറ്റ് ജനറൽ അറിയിച്ചിട്ടുണ്ട്.
, a native of Telangana, was killed){kind=link}