യാത്രക്കാരെ ഹാപ്പി ആക്കുന്ന പുതിയ കിടിലൻ ഐഡിയയുമായി ഇന്ത്യൻ റെയിൽവേ. ടിക്കറ്റ് ഇതര വരുമാനം കണ്ടെത്താനുള്ള നൂതന ആശയം പരീക്ഷണഘട്ടത്തിൽ ആണെന്ന് റെയിൽവേ. ഇന്ത്യയിൽ ഏറ്റവും അധികം ആളുകൾ ആശ്രയിക്കുന്ന പൊതുമേഖല സ്ഥാപനമായ റെയിൽവേയുടെ ഈ ഐഡിയയ്ക്ക് ആളുകളും കൈയ്യടിക്കുകയാണ്. ഉപയോഗശൂന്യമായി ഉപേക്ഷിക്കാൻ ഇരിക്കുന്ന കോച്ചുകളെ പ്രയോജനപ്രദമായ മറ്റു കാര്യങ്ങൾക്ക് ഉപയോഗിക്കുക എന്ന പദ്ധതിയിൽ ഉൾപ്പെടുത്തി വർഷത്തിലധികം പഴക്കമുള്ള ഉപയോഗശനുമായി കോച്ചുകളെ ആഡംബര ഹോട്ടലുകൾ ആക്കി മാറ്റുന്ന പദ്ധതിയാണ് റെയിൽവേ മുന്നോട്ട് വയ്ക്കുന്നത്.
ഈ കോച്ചുകൾ ആഡംബര ഹോട്ടലുകൾ ആക്കി മാറ്റി റെയിൽവേ ഉപയോഗിക്കാതെ കിടക്കുന്ന ഭൂമി ഉപയോഗിച്ച് വരുമാനം വർദ്ധിപ്പിക്കാനുള്ള നീക്കമാണ് ഇപ്പോൾ നടക്കുന്നത്. ഇത്തരം കോച്ചുകൾ ഹോട്ടലുകൾ ആക്കി മാറ്റിയശേഷം റെയിൽവേ തന്നെ പാട്ടത്തിന് നൽകുന്ന സ്ഥലത്ത് സ്ഥാപിച്ച് കച്ചവടം നടത്താം. ഇത്തരത്തിൽ ഒന്ന് ബാംഗ്ലൂരിൽ ആരംഭിച്ചു കഴിഞ്ഞു. പുറമെ നിന്നു നോക്കിയാൽ ട്രെയിൻ ആണ് എന്ന് തോന്നുമെങ്കിലും അകത്ത് അത്യാഡംബര സൗകര്യങ്ങളാണ് ഉള്ളത്. ഈ കൊച്ചില് ഒരേസമയം 40 പേർക്ക് ഇരുന്നു ഭക്ഷണം കഴിക്കാം. 24 മണിക്കൂറും പ്രവർത്തിക്കുന്ന ഈ റസ്റ്റോറന്റിൽ എല്ലാത്തരം വിഭവങ്ങളും ലഭ്യമാണ്. കേരളം ഉൾപ്പെടെയുള്ള സ്ഥലങ്ങളിൽ ഭാവിയിൽ ഇത്തരം നിരവധി ഹോട്ടലുകൾ സ്ഥാപിക്കാനുള്ള നടപടികളിലേക്ക് കടക്കുകയാണ് റെയിൽവേ.
