അങ്കമാലിയിലെ പ്രധാനമന്ത്രിയെന്ന് പറഞ്ഞ പോലെ മലയാളിയുടെ ദേശീയ ഭക്ഷണമാണല്ലോ പൊറോട്ടയും ബീഫും! നല്ല ചൂടുള്ള മൊരിഞ്ഞ പൊറോട്ടയും ബീഫും ഇഷ്ടമല്ലാത്ത മലയാളികൾ ഉണ്ടാകില്ല. എന്നാല് പൊറോട്ടയ്ക്കൊപ്പം ഒരിക്കലും കഴിക്കാന് പാടില്ലാത്ത ഒരു ഭക്ഷണപദാര്ത്ഥമുണ്ട്. അത് ചായയാണ്. ഈ കോംബോ വലിയ ആരോഗ്യപ്രശ്നങ്ങള് സൃഷ്ടിക്കുമെന്നാണ് ആരോഗ്യവിദഗ്ദ്ധര് പറയുന്നത്. ദഹനപ്രശ്നമുണ്ടാക്കുമെന്നതാണ് ഒന്നാമത്തെ കാര്യം. പൊറോട്ടയിലെ എണ്ണമയം ദഹനപ്രക്രിയ മന്ദഗതിയിലാക്കുകയും ദാഹം തോന്നിപ്പിക്കുകയും ചെയ്യും. ജോലി ചെയ്യുന്നവരായാലും പഠിക്കുന്നവരായാലും ഈ അവസ്ഥ മോശകരമാണ്. ഇതിനോടൊപ്പം ചായ കൂടി കുടിച്ചാല് അതിലെ കഫീന് ആമാശയത്തിലെ ആസിഡ് ഉത്പാദനം വര്ദ്ധിപ്പിക്കുകയും ഇത് കാരണം അസ്വസ്തതയുണ്ടാകുകയും ചെയ്യുമെന്നാണ് റിപ്പോർട്ട്.
പൊറോട്ടയ്ക്കൊപ്പം പഞ്ചസാര കലര്ന്ന ചായ കുടിക്കുന്നത് അമിതമായ കലോറിക്ക് കാരണമാകുന്നുവെന്നും പറയും. ഇതുകാരണം പൊണ്ണത്തടിയും മറ്റ് ആരോഗ്യപ്രശ്നങ്ങളും ഉണ്ടാകുകയും ചെയ്യും. പൊറോട്ടയില് നിന്ന് ശരീരത്തിനെ മോശമായി ബാധിക്കുന്ന കാര്ബോഹൈഡ്രേറ്റുകളും കൊഴുപ്പും മാത്രമേ ലഭിക്കുകയുള്ളു. നിങ്ങള്ക്ക് ഭാവിയില് ഹൃദ്രോരം വരാന് പോലും ഇത് കാരണമാകുമെന്നും ആരോഗ്യവിദഗ്ദ്ധര് പറയുന്നുണ്ട്.
