പാലക്കാട് അട്ടപ്പാടിയിൽ ഭാര്യയെ ഭർത്താവ് കഴുത്തറുത്ത് കൊലപ്പെടുത്താൻ ശ്രമിച്ചതായി പരാതി. കോട്ടമല സ്വദേശിനി രങ്കമ്മയാണ് പരാതിക്കാരി. ഭർത്താവ് മല്ലീശ്വരൻ തന്നെ കൊലപ്പെടുത്താൻ ശ്രമിച്ചതായാണ് ഇവരുടെ പരാതി. മാനസികാസ്വാസ്ഥ്യമുള്ള വ്യക്തിയാണ് മല്ലീശ്വരനെന്ന് ബന്ധുക്കൾ പറഞ്ഞു. മുൻപ് രണ്ടു തവണ ഇയാൾ സ്വന്തം കഴുത്ത് മുറിച്ചിട്ടുണ്ട്. രാവിലെ പശുവിനെ മേയ്ക്കാനായി ഇരുവരും പറമ്പിൽ പോയിരുന്നു. അവിടെവച്ച് പശുവിനെ മേയ്ക്കുന്നതിനിടെ രങ്കമ്മയുടെ കഴുത്തറുക്കുകയായിരുന്നു. സാരമായി പരിക്കേറ്റ രങ്കമ്മയെ പ്രദേശവാസികൾ കോട്ടത്തറ ട്രൈബൽ സ്പെഷാലിറ്റി ആശുപത്രിയിൽ എത്തിക്കുകയായിരുന്നു. ഇവർ തീവ്ര പരിചരണ വിഭാഗത്തിൽ ചികിത്സയിലാണ്. പ്രതിയെ അഗളി പോലീസ് കസ്റ്റഡിയിൽ എടുത്തിട്ടുണ്ട്.
Read also: നാലുദിവസം മുൻപ് ജീവനോടെ കുഴിച്ചിട്ട വൃദ്ധനെ രക്ഷപ്പെടുത്തി പോലീസ്; പിന്നിൽ 18 കാരൻ യുവാവ് !
