കോട്ടയം: കോട്ടയത്ത് നിയമ ലംഘനം നടത്തിയ സ്വകാര്യ ബസുകള്‍ക്കെതിരെ എംവിഡി നടപടിയെടുത്തു. In Kottayam, MVD has taken action against private buses that violated the law
മോട്ടോര്‍ വാഹനവകുപ്പ് പരിശോധനയില്‍ ബസുകളിൽ ജിപിഎസും വേഗപ്പൂട്ടും പ്രവർത്തനരഹിതമായി കണ്ടെത്തി.
ഇത്തരത്തിൽ സർവീസ് നടത്തുന്ന ഇരുപതിലധികം സ്വകാര്യ ബസുകൾക്കെതിരെ ആണ് എംവിഡി നടപടിയെടുത്തത്.
രണ്ടാഴ്ച മുമ്പ് വൈക്കം തലയോലപറമ്പിലുണ്ടായ ബസ് അപകടത്തിന്‍റെ പശ്ചാത്തലത്തിലാണ് പരിശോധന. ചില ബസുകളില്‍ ജിപിഎസ് സംവിധാനം ഇല്ലെന്ന് പരിശോധനയില്‍ വ്യക്തമായി.
പരിശോധനയിൽ 17 ബസുകളില്‍ വേഗപുൂട്ട് വിച്ഛേദിച്ചിരുന്നതായി കണ്ടെത്തി.ഈ ബസുകളുടെ സര്‍വീസ് റദ്ദാക്കി.
20ലധികം ബസുകളില്‍ ജിപിഎസ് സംവിധാനം റീചാര്‍ജ് ചെയ്തിരുന്നില്ലെന്നും പ്രവര്‍ത്തനരഹിതമാണെന്നും മോട്ടോര്‍ വാഹന വകുപ്പ് കണ്ടെത്തി.
റിചാര്‍ജ് ചെയ്തശേഷം മാത്രമെ ഈ ബസുകള്‍ക്ക് സര്‍വീസ് നടത്താൻ കഴിയുവെന്നും മോട്ടോര്‍ വാഹന വകുപ്പ് ഉദ്യോഗസ്ഥര്‍ അറിയിച്ചു.
പാല, കോട്ടയം എന്നിവിടങ്ങളിലായിരുന്നു പരിശോധന. വരും ദിവസങ്ങളിലും പരിശോധന തുടരും.
