idukki-upputhara-woman-murder-husband-missing

ഉപ്പുതറയിൽ യുവതിയെ വീട്ടിൽ മരിച്ച നിലയിൽ കണ്ടെത്തിയ സംഭവം കൊലപാതകമെന്ന് സ്ഥിരീകരിച്ചു, പ്രതിക്കായി തിരച്ചില്‍

തൊടുപുഴ: ഇടുക്കി ഉപ്പുതറയിൽ യുവതിയെ വീട്ടിൽ മരിച്ച നിലയിൽ കണ്ടെത്തിയ സംഭവം കൊലപാതകമാണെന്ന് പൊലീസ് സ്ഥിരീകരിച്ചു. മത്തായിപ്പാറ എംസി കവലയ്ക്ക് സമീപം മലേക്കാവിൽ രജനി (38) ആണ് കൊല്ലപ്പെട്ടത്.

കമ്പിവടികൊണ്ട് തലയിൽ ശക്തമായി അടിയേറ്റതാണ് മരണകാരണമെന്നാണ് പോസ്റ്റ്‌മോർട്ടം റിപ്പോർട്ട് വ്യക്തമാക്കുന്നത്.

സംഭവത്തിന് ശേഷം രജനി ഭർത്താവും ഓട്ടോറിക്ഷ ഡ്രൈവറുമായ സുബിൻ (രതീഷ്) കാണാതായിട്ടുണ്ട്. ചൊവ്വാഴ്ച വൈകിട്ട് നാലോടെയാണ് രജനി രക്തം വാർന്ന് കട്ടിലിലേക്ക് വീണു മരിച്ച നിലയിൽ കണ്ടെത്തപ്പെട്ടത്. തലയിൽ ആഴത്തിലുള്ള മുറിവുകളുണ്ടായിരുന്നു.

സുബിനും രജനിയുമിടയിൽ കുടുംബകലഹം പതിവായിരുന്നുവെന്നാണ് പൊലീസിന്റെ കണ്ടെത്തൽ. തർക്കങ്ങളെ തുടർന്ന് രജനി ഇടക്കാലത്ത് സ്വന്തം വീട്ടിലേക്ക് പോയിരുന്നുവെന്നും ഏകദേശം ഒരു മാസം മുൻപാണ് വീണ്ടും ഭർത്താവിനൊപ്പം താമസിക്കാൻ തിരിച്ചെത്തിയതെന്നും പൊലീസ് അറിയിച്ചു.

സംഭവദിവസം രാവിലെ കുട്ടികൾ സ്കൂളിലേക്ക് പോയതിന് ശേഷമാണ് ഇരുവരും തമ്മിൽ തർക്കമുണ്ടായതെന്നാണ് പൊലീസിന്റെ പ്രാഥമിക നിഗമനം.

ഈ തർക്കത്തിനിടെയാണ് കൊലപാതകം നടന്നതെന്നും തുടർന്ന് സുബിൻ രക്ഷപ്പെട്ടതാകാമെന്നുമാണ് അന്വേഷണ സംഘത്തിന്റെ സംശയം. പ്രതിയെ കണ്ടെത്തുന്നതിനായി പൊലീസ് അന്വേഷണം ശക്തമാക്കിയിട്ടുണ്ട്.

English Summary

Police have confirmed that the death of a 38-year-old woman in Upputhara, Idukki, was a murder. The victim, Rajani, died after being struck on the head with an iron rod, according to the postmortem report. Her husband, an auto-rickshaw driver named Subin (Ratish), has been missing since the incident. Police suspect the murder occurred following a domestic dispute after the children left for school, and efforts are ongoing to trace the accused.

idukki-upputhara-woman-murder-husband-missing

Idukki, Upputhara, murder case, domestic violence, Kerala crime, woman killed, police investigation