കാര്യം ആവിയിലുണ്ടാക്കുന്നതാണ്, എന്നാലും ഇഡലി ഇങ്ങനെ ഉണ്ടാക്കിയാൽ കാൻസർ വരും; ഹോട്ടലുകരുടെ ഈ എളുപ്പപ്പണി ആളുകളെ കൊല്ലുമോ?

ബംഗളൂരു: ആവിയിൽ വേവിച്ച് എടുക്കുന്നതുകൊണ്ട്  വളരെ നല്ല ഭക്ഷണമായാണ് ഇഡ്ഡലിയെ കണക്കാക്കുന്നത്. 

എന്നാൽ പ്ലാസ്റ്റിക് ഷീറ്റ് ഉപയോഗിച്ച് ഇഡ്ഡലി ഉണ്ടാകുന്നത് ക്യാൻസർ പോലുള്ള മാരക രോഗങ്ങൾ വരെ ഇടവരുത്തുന്നു. അടുത്തിടെ പ്ലാസ്റ്റിക് ഷീറ്റ് ഉപയോഗിച്ച് ഇഡ്ഡലി ഉണ്ടാക്കിയ ഹോട്ടലുകൾക്കെതിരെ കടുത്ത നടപടിയാണ് കർണാടക സർക്കാ‌‌ർ എടുത്തത്പ്ലാ

പ്ലാസ്റ്റിക് ഷീറ്റുകൾ ഉപയോഗിച്ച് ഉയർന്ന ചൂടിൽ ഇഡ്ഡലി വേവിക്കുമ്പോൾ പുറത്തുവരുന്ന ദോഷകരമായ രാസവസ്തുക്കൾ ക്യാൻസർ ഉൾപ്പെടെയുള്ള ഗുരുതര ആരോഗ്യ പ്രശ്നങ്ങൾക്ക് കാരണമാകുമെന്നാണ് റിപ്പോർട്ട്.

പ്ലാസ്റ്റിക് ഷീറ്റുകൾ ഉപയോഗിച്ച് ഉണ്ടാക്കുന്ന ഇഡ്ഡലികളുടെ സാമ്പിളുകൾ പരിശോധനയ്ക്കായി അയച്ചപ്പോൾ അവ ഭക്ഷ്യയോഗ്യമല്ലെന്ന് കണ്ടെത്തിയിരുന്നു. കൂടാതെ ഈ ഇഡ്ഡലികളിൽ കാർസിനോജെനിക് പോലുള്ള ക്യാൻസറിന് കാരണമാകുന്ന പദാർത്ഥങ്ങൾ അടങ്ങിയിട്ടുണ്ടെന്നും പരിശോധനയിൽ തെളിഞ്ഞു.

ഇഡ്ഡലി ഉണ്ടാകുമ്പോൾ ഇത്തരത്തിൽ പ്ലാസ്റ്റിക് ഷീറ്റ് ഉപയോഗിച്ചാൽ  വിഷരാസവസ്തുക്കൾ ഭക്ഷണത്തിൽ കലരുന്നതിന് കാരണമാകും. പല പ്ലാസ്റ്റിക് ഷീറ്റുകളിലും ബിസ്‌ഫെനോൾ എ (ബിപിഎ)​,​ ഫെഥാറേറ്റുകൾ മറ്റ് എൻഡോക്രെെൻ (രാസവസ്തുക്കൾ)​ എന്നിവ ചേർന്നിട്ടുണ്ട്. 

ഇത് ചൂടാക്കുമ്പോൾ ഭക്ഷണത്തിൽ ചേരുകയും ഇവ കാലക്രമേണ ശരീരത്തിൽ അടിഞ്ഞുകൂടി ക്യാൻസറിനുള്ള സാദ്ധ്യത വർദ്ധിപ്പിക്കും. സ്തനാർബുദം, പ്രോസ്റ്റേറ്റ് ക്യാൻസർ എന്നിവയ്ക്കുള്ള സാദ്ധ്യതയാണ് കൂട്ടുന്നത്.

സംഭവത്തിന് പിന്നാലെ കർണാടക ആരോഗ്യമന്ത്രി ദിനേശ് ഗുണ്ടു റാവു ഉൾപ്പടെ രംഗത്തെത്തിയിരുന്നു. പരിശോധനയിൽ 251 ഹോട്ടലുകളിൽ 52 ഹോട്ടലുകളിലും പ്ലാസ്റ്റിക് ഉപയോഗിക്കുന്നതായി കണ്ടെത്തിയെന്ന് ആരോഗ്യമന്ത്രി ദിനേശ് ഗുണ്ടു റാവു അറിയിച്ചു.