ഇടുക്കി: 2023 ലെ ലഹരി വിരുദ്ധ പ്രചരണങ്ങൾക്കുള്ള എക്സലന്സ് അവാര്ഡ് ഗവർണറിൽ നിന്നും ഏറ്റുവാങ്ങി ഹൊറൈസൺ മോട്ടോർസ്. വ്യാപാരി വ്യവസായി ഏകോപന സമിതി ഇടുക്കി ജില്ലാ കമ്മറ്റി സംഘടിപ്പിച്ച കാരുണ്യം കുടുംബ സുരക്ഷാ പദ്ധതിയുടെ ചടങ്ങിൽ വെച്ച് ഗവർണർ ആരിഫ് മുഹമ്മദ് ഖാൻ ഹൊറൈസൺ മോട്ടോഴ്സിന് അവാർഡ് സമ്മാനിച്ചു. ഹൊറൈസൺ മോട്ടോർസ് ചെയർമാൻ ഷാജി ജെ കണ്ണിക്കാട്ട്, മാനേജിങ് ഡയറക്ടർ എബിൻ എസ് കണ്ണിക്കാട്ട് എന്നിവർ ചേർന്ന് ഏറ്റുവാങ്ങി.
വിദ്യാര്ഥികള്ക്കിടയിലും യുവാക്കൾക്കിടയും വര്ധിച്ചു വരുന്ന മയക്കുമരുന്നിന്റെയും ലഹരി വസ്തുക്കളുടെയും ഉപയോഗത്തിനെതിരെ നിരവധി പ്രവർത്തനങ്ങളാണ് ഹൊറൈസൺ മോട്ടോർസ് നടത്തിവരുന്നത്. ഡിസംബറിൽ കട്ടപ്പനയിൽ വെച്ച് എക്സൈസ് വിമുക്തി മിഷനും ഹൊറൈസണ് മോട്ടോഴ്സും സംയുക്തമായി നടത്തിയ ലഹരി വിരുദ്ധ വാഹന പ്രചരണ ജാഥയ്ക്ക് വൻ സ്വീകാര്യതയാണ് ലഭിച്ചത്. വിവിധ സ്കൂളുകളെ കേന്ദ്രീകരിച്ചു നടത്തിയ റാലി, കുട്ടികൾക്കിടയിൽ ലഹരി വിരുദ്ധ മനോഭാവം ഉണർത്തി. യുവാക്കളെ ലഹരിയിൽ നിന്നും മോചിപ്പിക്കുക എന്ന ലക്ഷ്യത്തോടെ ഹൊറൈസൺ മോട്ടോർസ് ഒക്ടോബറിൽ സംഘടിപ്പിച്ച അഖില കേരളാ വടംവലി മത്സരത്തിനും വൻ ജനപിന്തുണ ലഭിച്ചിരുന്നു.
Read Also: 09.01.2024. 11 AM . ഇന്നത്തെ പ്രധാനപ്പെട്ട 10 വാർത്തകൾ
