ഇതെന്തൊരു പ്രവചനം ? മഴ, വെയിൽ, പിന്നേം മഴ; സംസ്ഥാനത്ത് ചൂട് നാലു ഡിഗ്രിവരെ ഉയരും: ചൊവ്വാഴ്ച മുതൽ കനത്ത മഴ

സംസ്ഥാനത്ത് വരും ദിവസങ്ങളിൽ വിവിധ ജില്ലകളിൽ താപനില നാല് ഡിഗ്രി വരെ ഉയരാൻ സാധ്യതയെന്ന് കാലാവസ്ഥാവകുപ്പ്. ഇത് തുടർന്ന് ജില്ലകൾക്ക് യെല്ലോ അലേർട്ട് നൽകിയിട്ടുണ്ട്. ചൊവ്വാഴ്ച വരെ പാലക്കാട് ജില്ലയിൽ താപനില 39 ഡിഗ്രി സെൽഷ്യസ് വരെ ഉയരും. തിരുവനന്തപുരം, പത്തനംതിട്ട, കോട്ടയം, മലപ്പുറം, എറണാകുളം, കാസർഗോഡ് എന്നീ ജില്ലകളിൽ താപനില 36 ഡിഗ്രി വരെയും കൊല്ലം, ആലപ്പുഴ കണ്ണൂർ കോഴിക്കോട് തൃശൂർ ജില്ലകളിൽ താപനില 39 ഡിഗ്രി വരെയും ഉയരാൻ സാധ്യതയുണ്ട്. കനത്ത ചൂടൻ ചൊവ്വാഴ്ച മുതൽ മഴയുണ്ടാകുമെന്ന് മുന്നറിയിപ്പുമുണ്ട്. ബുധനാഴ്ച എറണാകുളത്തും വ്യാഴാഴ്ച വയനാടും ശക്തമായ മഴയ്ക്ക് സാധ്യതയുള്ളതിനാൽ മഞ്ഞ അലർട്ട് നൽകിയിട്ടുണ്ട്. ഈ രണ്ടു ജില്ലകളിലും 24 മണിക്കൂറിൽ 64.5 mm മുതൽ 115 mm വരെ മഴ ലഭിച്ചേക്കാം എന്ന മുന്നറിയിപ്പുണ്ട്.

Read also: ‘അച്ഛൻ മരിച്ചപ്പോൾ എന്റെ ഭാര്യയുടെ കരച്ചിലിനെപ്പോലും പരിഹസിച്ചു വാർത്ത സൃഷ്ടിച്ചവരോടാണ്…..’; ഹൃദയസ്പർശിയായ കുറിപ്പുമായി മനോജ് കെ ജയൻ