ഭാര്യയുമായി പിരിഞ്ഞിട്ടും ജീവിത പങ്കാളിയാക്കത്തതിന്റെ ദേഷ്യത്തിൽ കാമുകന്റെ വീടും ബൈക്കും തീയിട്ട യുവതിയും സുഹൃത്തും അറസ്റ്റില്‍. പത്തനംതിട്ട പേഴുംപാറ സ്വദേശി രാജ്കുമാറിന്റെ വീടിന് തീയിട്ട കേസിലാണ് കാമുകി സുനിത, സുഹൃത്ത് സതീഷ് എന്നിവര്‍ അറസ്റ്റിലായത്. നേരത്തെ മന്ത്രവാദത്തിലൂടെ രാജ് കുമാറിനെ അപായപ്പെടുത്താന്‍ സുനിത ശ്രമിച്ചിരുന്നു. രാജ് കുമാറും സുനിതയുംഏറെനാളായി അടുപ്പത്തിലായിരുന്നു. ഈ ബന്ധം പുറത്തറിഞ്ഞതിനെ തുടർന്ന് സുനിതയുടെ ഭര്‍ത്താവും രാജ് കുമാറിന്റെ ഭാര്യയും വിവാഹബന്ധം ഉപേക്ഷിച്ച് ഇരുവരെയും വിട്ടുപോയി. എന്നാൽ ഇരുവരും ഒറ്റയ്ക്കായിട്ടും രാജ് കുമാര്‍ തന്നെ വിവാഹം കഴിക്കാത്തതിന്റെ വിരോധത്തിലാണ് സുഹൃത്തിനെയും കൂട്ടി സുനിത വീടിനും വാഹനത്തിനും തീയിട്ടത്. വീട്ടില്‍ ആരുമില്ലത്തപ്പോള്‍ പൂട്ട് തകര്‍ത്ത് അകത്തുുകയറി മണ്ണെണ്ണയൊഴിച്ച് തീയിടുകയായിരുന്നു. തീപടരുന്നത് കണ്ട അയല്‍വാസികള്‍ ഓടിയെത്തി തീയണക്കുകയായിരുന്നു. സുനിതയെയും സുഹൃത്ത് സതീഷിനെയും പോലീസ് അറസ്റ്റ് ചെയ്തു.

Read also: 53 കേസുകളില്‍ പ്രതി; കൊടും ക്രൂരൻ; കുപ്രസിദ്ധ മോഷ്ടാവ് ബാലമുരുകൻ വിയ്യൂർ ജയിലിൽ നിന്നും രക്ഷപ്പെട്ടു