വിമർശനങ്ങളോട് തുറന്നടിച്ച് നീലി
സോഷ്യൽ മീഡിയ താരം ഗോപിക കീർത്തി (നീലി) വീണ്ടും വാർത്തകളിൽ. സ്വന്തം വണ്ണം കൂട്ടിയപ്പോൾ “പന്നി”, “തക്കാളി” എന്നീ അപമാനകരമായ കമന്റുകൾ ഏറ്റുവാങ്ങിയ താരം, ഇപ്പോൾ വണ്ണം കുറച്ചതിന്റെ പേരിലും കടുത്ത വിമർശനങ്ങൾ നേരിടുന്നു. ബോഡി ഷെയ്മിങ്ങിനെതിരെ തുറന്നടിക്കുകയാണ് സോഷ്യൽ മീഡിയ താരം ഗോപിക കീർത്തി.
നീലി എന്ന പേരിൽ സോഷ്യൽ മീഡിയ റീലുകളിലൂടെ ഒരുപാട് ആരാധകരെ നേടിയ താരമാണ് ഗോപിക. നേരത്തെ തന്നെ വണ്ണത്തിന്റെ പേരിലായിരുന്നു വിമർശിച്ചിരുന്നത്.
എന്നാൽ ഇപ്പോൾ മെലിഞ്ഞതിന്റെ പേരിലും വിമർശിക്കുകയാണെന്നാണ് ഗോപിക പറയുന്നത്. “എനിക്ക് പ്രമേഹമാണോ, എയ്ഡ്സ് ആണോ?” എന്നിങ്ങനെയുളള ചോദ്യങ്ങളാണ് ഇപ്പോൾ പലരും ചോദിക്കുന്നതെന്ന് ഗോപിക തന്റെ പുതിയ വീഡിയോയിലൂടെ വെളിപ്പെടുത്തി.
വിമർശനങ്ങളുടെ ഇര
“രണ്ടുവർഷം മുമ്പ് സ്ഥിരമായി റീലുകൾ പോസ്റ്റ് ചെയ്യാൻ തുടങ്ങിയപ്പോൾ, തടിയുടെ പേരിൽ അപമാനങ്ങളായിരുന്നു കിട്ടിയിരുന്നത്. വണ്ണം കൂടിയവർക്ക് മാത്രമായി പന്നിയുടേയും പഴങ്ങളുടേയും ഇമോജികളാണ് ആളുകൾ ഇടാറുണ്ടായിരുന്നത്.
പിന്നീട്, വണ്ണം കുറച്ചപ്പോൾ ‘പഴയ നീലിയാണ് നല്ലത്, ഇപ്പോഴത്തെ നീലി കൊള്ളില്ല’ എന്ന തരത്തിലുള്ള കമന്റുകളാണ് വരുന്നത്. ഇതൊന്നും എനിക്ക് ബാധിക്കുന്നില്ല, പക്ഷേ പറയണമെന്ന് തോന്നി,” ഗോപിക വ്യക്തമാക്കി.
ആരോഗ്യ പ്രശ്നങ്ങളും ജീവിതത്തിലെ മാറ്റങ്ങളും
ഗോപികയുടെ ആരോഗ്യ സാഹചര്യങ്ങളും വണ്ണത്തിൽ മാറ്റങ്ങൾക്ക് കാരണമായി. ഗാൾ ബ്ലാഡർ ശസ്ത്രക്രിയ കഴിഞ്ഞപ്പോൾ ഭക്ഷണം കഴിക്കാൻ ബുദ്ധിമുട്ടുണ്ടായിരുന്നതിനാൽ, സ്വാഭാവികമായും ഭക്ഷണക്രമം കുറയുകയും അതുവഴി വണ്ണം കുറയുകയും ചെയ്തതായി അവർ വ്യക്തമാക്കി.
“ഭക്ഷണം കഴിക്കാതെ സർവൈവ് ചെയ്യാമെന്ന് മനസ്സിലാക്കി. കുറച്ച് മാത്രം ഭക്ഷണം കഴിച്ച് ജീവിക്കാനാവും എന്ന് തിരിച്ചറിഞ്ഞപ്പോൾ വണ്ണം കുറയാൻ തുടങ്ങി,” – ഗോപിക.
സോഷ്യൽ മീഡിയയ്ക്കുള്ള തുറന്ന മറുപടി
“വണ്ണമുള്ളവരെ ഇഷ്ടമാണെങ്കിൽ അവരെ ഫോളോ ചെയ്യൂ. വണ്ണമില്ലാത്തവരെ ഇഷ്ടമാണെങ്കിൽ അവരെ ഫോളോ ചെയ്യൂ. എനിക്കിഷ്ടം പോലെ ഞാൻ ജീവിക്കും. ഞാൻ ഇടുന്ന വീഡിയോ എന്റെ വിനോദമാണ്. വേണമെങ്കിൽ കാണൂ, വേണ്ടെങ്കിൽ കാണണ്ട,” എന്നാണ് ഗോപിക വ്യക്തമാക്കുന്നത്.
ബോഡി ഷെയിമിംഗിന്റെ പ്രശ്നം
എന്താണ് പറയാൻ പോകുന്നതെന്ന് അറിയില്ല. എങ്കിലും ഇങ്ങനൊരു വിഡിയോ ചെയ്യണമെന്ന് തോന്നി. രണ്ട് വർഷമേ ആയിട്ടുള്ള സ്ഥിരമായി വിഡിയോ ഇട്ടു തുടങ്ങിയത്.
ആ സമയത്ത് എനിക്ക് ലഭിച്ചിരുന്ന കമന്റുകൾ പന്നിയുടേയും തക്കാളിയുടേയും അടക്കം തടിയുമായി ബന്ധപ്പെട്ട ഇമോജികളായിരുന്നു. കമന്റുകൾ മാത്രമല്ല, അല്ലാതെ തന്നെ വണ്ണവുമായി ബന്ധപ്പെട്ട് പ്രശ്നങ്ങൾ നേരിട്ടിരുന്നു.
വണ്ണം കൂടിയാലും കുറഞ്ഞാലും വിമർശനങ്ങൾ ഒഴിവാക്കാനാകാത്ത ബോഡി ഷെയിമിംഗ് സമൂഹത്തിലെ വലിയൊരു പ്രശ്നമാണെന്ന് ഗോപികയുടെ അനുഭവം തെളിയിക്കുന്നു.
#ചിലർ തടിയുള്ളവർക്ക് അപമാനകരമായ കമന്റുകൾ ഇടുന്നു.
#മെലിഞ്ഞാൽ രോഗങ്ങൾ ആരോപിച്ച് പരിഹസിക്കുന്നു.
#സോഷ്യൽ മീഡിയയിൽ ‘പഴയ രൂപം’, ‘പുതിയ രൂപം’ എന്നീ താരതമ്യങ്ങൾ ആളുകളെ വേദനിപ്പിക്കുന്നു.
ഗോപിക പറഞ്ഞു: “നൈറ്റ് ഷിഫ്റ്റിൽ ജോലി ചെയ്തിരുന്ന സമയത്ത് വീട്ടിൽ വെറുതെ ഇരിക്കാതിരിക്കാനായിരുന്നു ഞാൻ കാമുകനൊപ്പം വിഡിയോ എടുത്ത് പോസ്റ്റ് ചെയ്തിരുന്നത്.
ഇപ്പോൾ ജോലി മാറി തിരക്കായതിനാൽ, വിക്കെൻഡുകളിൽ മാത്രമാണ് വിഡിയോകൾ ഇടുന്നത്. ഇത് എനിക്ക് വിനോദമാണ്.”
“വണ്ണം കൂട്ടുകയോ കുറക്കുകയോ ചെയ്യുന്നത് ഓരോരുത്തരുടെയും സ്വകാര്യ തീരുമാനമാണ്. അതിൽ മറ്റുള്ളവർക്ക് ഇടപെടാനില്ല. ജീവിതം സ്വയം സന്തോഷത്തോടെ ജീവിക്കാനാണ്,” എന്നാണ് നീലി ഗോപികയുടെ തുറന്ന സന്ദേശം.
ENGLISH SUMMARY:
Social media influencer Gopika Keerthi (Neeli) hits back at body shaming, saying she was mocked for being overweight earlier and now criticized for being slim. She asserts body weight is a personal choice.
