പിഎസ്സി പരീക്ഷകളുടെ സമയം മാറുന്നു
തിരുവനന്തപുരം: സംസ്ഥാനത്തെ സ്കൂള് സമയമാറ്റത്തിന് അനുസരിച്ച് പിഎസ്സി പരീക്ഷകളുടെ സമയത്തിലും മാറ്റം വരുന്നു. പുതിയ സമയക്രമം സെപ്തംബര് മുതലാണ് നിലവില് വരുന്നത്.
രാവിലെ നടത്താറുള്ള പിഎസ് സി പരീക്ഷകള് ഇനി മുതല് എഴ് മണിക്ക് ആരംഭിക്കും. സാധാരണയായി സ്കൂള് പ്രവൃത്തി ദിനങ്ങളില് നിശ്ചയിക്കുന്ന പരീക്ഷകളാണ് പിഎസ്സി രാവിലെ നടത്താറുള്ളത്.
ഒരു മാസം ശരാശരി 10 മുതല് 15 പരീക്ഷകള് വരെയാണ് പിഎസ് സി ഇത്തരം പ്രവൃത്തി ദിവസങ്ങളില് നടത്തിവരുന്നത്.
നേരത്തെ 7.15 നായിരുന്നു പരീക്ഷ ആരംഭിച്ചിരുന്നത്. എന്നാൽ ഈ സമയമാണ് ഇപ്പോൾ 15 മിനിറ്റ് നേരത്തെയാക്കിയിരിക്കുന്നത്.
സ്പെഷ്യല് തസ്തികകളിലേക്കുള്ള പരീക്ഷകളാണ് മിക്കപ്പോഴും രാവിലെ നടത്താറുള്ളത്. എന്നാൽ ഇത്തരം പരീക്ഷകള്ക്ക് താലൂക്ക് തലത്തില് പോലും പരീക്ഷാ കേന്ദ്രങ്ങളും ഉണ്ടാകാറില്ല.
ഉദ്യോഗാർഥികൾക്ക് പരീക്ഷക്കെത്താൻ അതിരാവിലെ ബസ് സര്വീസുകള് ഇല്ലാത്തതും കൃത്യസമയത്തില് നിന്നും ഒരു മിനിറ്റ് വൈകിയാല് പോലും പരീക്ഷയെഴുതാന് കഴിയില്ലെന്ന സാഹചര്യവും പലപ്പോഴും രാവിലെയുള്ള ടെസ്റ്റുകളില് പങ്കെടുക്കുന്നവര്ക്ക് വലിയ ബുദ്ധിമുട്ട് ഉണ്ടാക്കാറുണ്ട്.
ഉള്പ്രദേശങ്ങളില് നിന്നുള്ള ഉദ്യോഗാര്ഥികള് ഈ സമയക്രമം പാലിക്കാന് പോലും വലിയ ബുദ്ധിമുട്ട് നേരിടുന്ന സാഹചര്യം മറികടക്കാന് തലേ ദിവസം വന്ന് പരീക്ഷാ കേന്ദ്രത്തിന് സമീപം താമസിക്കേണ്ട സാഹചര്യവും നിലനിൽക്കുന്നുണ്ട്. ഇതിനിടെയാണ് സമയമാറ്റം കൂടി വരുന്നത്.
സ്കൂള് സമയമാറ്റം തുടരുമെന്ന് മന്ത്രി ശിവന്കുട്ടി
തിരുവനന്തപുരം: സംസ്ഥാനത്ത് സ്കൂള് സമയത്തില് നടപ്പാക്കിയ മാറ്റം ഈ അക്കാദമിക്ക് വര്ഷം അതേ രീതിയില് തുടരുമെന്ന് വിദ്യാഭ്യാസ മന്ത്രി വി ശിവകുട്ടി. വിവിധ മതസംഘടനകളുമായി നടത്തിയ ചര്ച്ചയ്ക്കു ശേഷമാണ് മന്ത്രി ഇക്കാര്യം അറിയിച്ചത്.
സംസ്ഥാനത്ത് നടപ്പാക്കിയ സ്കൂള് സമയമാറ്റം ഈ അധ്യയനവര്ഷം തുടരുമെന്ന് വിദ്യാഭ്യാസമന്ത്രി വി. ശിവന്കുട്ടി വാർത്താ സമ്മേളനത്തിൽ അറിയിച്ചു.
ഇപ്പോള് എടുത്ത തീരുമാനവുമായി സര്ക്കാര് മുന്നോട്ടുപോകുമെന്നും ഇതു സംബന്ധിച്ച സര്ക്കാര് തീരുമാനത്തെ ഭൂരിഭാഗം സംഘടനകളും സ്വാഗതം ചെയ്തുവെന്നും മന്ത്രി വ്യക്തമാക്കി.
ചർച്ചയിൽ ചിലര് അഭിപ്രായവ്യത്യാസം അറിയിച്ചു. അവരെ കാര്യങ്ങള് ബോധ്യപ്പെടുത്തി. സമസ്തയെ കാര്യങ്ങള് ബോധ്യപ്പെടുത്തിയെന്നും പരാതി അടുത്ത വര്ഷം പരിശോധിക്കുമെന്നും മന്ത്രി അറിയിച്ചു.
അക്കാദമിക്ക് വര്ഷം 1100 മണിക്കൂര് ക്ലാസുകള് ലഭിക്കാന് വേണ്ടി വിദഗ്ധസന്ധി റിപ്പോര്ട്ടിന്റെ അടിസ്ഥാനത്തിലായിരുന്നു സ്കൂൾ സമയം രാവിലെ 15 മിനിറ്റും വൈകുന്നേരം 15 മിനിറ്റും വര്ധിപ്പിച്ചത്.
എതിര്പ്പ് ഉയര്ന്ന സാഹചര്യത്തില് വിദ്യാഭ്യാസ മന്ത്രി ചര്ച്ച നടത്തിയെങ്കിലും തീരുമാനത്തില് മാറ്റമില്ല. പരാതി ഉള്ളവര്ക്ക് കോടതിയില് പോകാമെന്ന് വിദ്യാഭ്യാസ മന്ത്രി വി ശിവന്കുട്ടി പറഞ്ഞു.
അതേസമയം ചര്ച്ചയില് സമവായത്തില് എത്തിയെന്ന് സമസ്ത നേതാക്കള് പ്രതികരിച്ചു. പരാതി അടുത്ത അധ്യയനവര്ഷം പരിഗണിക്കാമെന്ന മന്ത്രിയുടെ ഉറപ്പ് സ്വീകാര്യമെന്ന് സമസ്ത നേതാക്കള് പറഞ്ഞു.
വിഷയത്തിൽ കോടതിയെ സമീപിക്കില്ലെന്നാണ് സൂചന. 22 സ്കൂള് മാനേജ്മെന്റ് പ്രതികളാണ് ചര്ച്ചയില് പങ്കെടുത്തത്.
Summary: Following the revised school timings in Kerala, the Kerala Public Service Commission (PSC) has announced a change in the schedule of its exams. Starting from September, morning PSC exams will begin at 7:00 AM instead of the previous timing.
