യു.കെ. നോർത്തേൺ അയർലൻഡിലെ ഡംഗനണിൽ തീപിടിച്ച വീട്ടിൽ നാലുപേർ അകപ്പെട്ടു. അഗ്നിരക്ഷാസേനയെത്താൻ താമസിച്ചെങ്കിലും പോലീസ് ഉദ്യോഗസ്ഥർ നാലുപേരെയും രക്ഷപെടുത്തി. രക്ഷിക്കാനെത്തിയ ഉദ്യോഗസ്തർ പുക ശ്വസിച്ചതിനെ തുടർന്ന് 12 പേരെ ആശുപത്രിയിൽ പ്രവേശിപ്പിച്ചു.
നോർത്തേൺ അയർലൻഡ് ഫയർ സർവീസ് സ്ഥലത്ത് എത്തിയെങ്കിലും മുമ്പേ പോലീസ് ഉദ്യോഗസ്ഥർ ഇടപെട്ടത് അപകടത്തിന്റെ തീവ്രത ഒഴിവാക്കി. ശ്വസന ഉപകരണങ്ങൾ ധരിച്ച് സ്ഥലത്ത് എത്തിയ അഗ്നിരക്ഷാസേന ഉദ്യോഗസ്ഥർ തീയണച്ചു.
സംഭവ സ്ഥലത്തു നിന്നും 12 രോഗികളെ ക്രെയ്ഗാവോൺ ആശുപത്രിയിൽ കൊണ്ടുപോയി. തീപിടുത്തത്തിന്റെ കാരണത്തെക്കുറിച്ച് അധികൃതർ അന്വേഷിക്കുകയാണ്.
