കോഴിക്കോട് ഒരു കുടുംബത്തിലെ അഞ്ച് പേർ ദുരൂഹ സാഹചര്യത്തിൽ അപ്രത്യക്ഷം; വൈഫൈ ഉപയോഗിച്ച് സോഷ്യൽ മീഡിയ ഉപയോഗിക്കുന്നതായി കണ്ടെത്തൽ

കോഴിക്കോട് ഒരു കുടുംബത്തിലെ അഞ്ച് പേർ ഒരുമിച്ച് അപ്രത്യക്ഷം. 10 വർഷമായി കോഴിക്കോട് കൂരാച്ചുണ്ടിൽ താമസിക്കുന്ന സർക്കസുകാരായ മധു ഷെട്ടിയുടെ ഭാര്യയും മക്കളും, ബന്ധുക്കളെയുമാണ് കാണാതായത്. മധു ഷെട്ടിയുടെ ഭാര്യ സ്വപ്ന , മക്കളായ പൂജശ്രീ (13) കാവ്യശ്രീ (12) സ്വപനയുടെ സഹോദരിയുടെ മക്കളായ ഭാരതി (18) തേജ് (17), എന്നിവരെയാണ് കഴിഞ്ഞ മാസം 20 മുതൽ കാണാതായത്. 24ന് മധു ഷെട്ടി പൊലീസിൽ പരാതിനൽകി. ഇപ്പോൾ ഇവരുടെ മൈബൽ ഫോണുകൾ ഓഫാണ്. സിംകാർഡുകൾ നിലവിൽ പ്രവർത്തിക്കുന്നില്ല എങ്കിലും വൈഫൈ ഉപയോഗിച്ച് ഇവർ സോഷ്യൽ മീഡിയ ഉപയോഗിക്കുന്നതായി പൊലീസ് കണ്ടെത്തിയിട്ടുണ്ട്. ഇവർക്കായുളള അന്വേഷണം കൂരാച്ചുണ്ട് പൊലീസ് ഊർജിതമാക്കി.

Read Also:അശ്ലീല വിഡിയോകൾ കണ്ട് പതിവായി പെൺകുട്ടികളെ ശല്യപ്പെടുത്തുന്നു; 14 വയസ്സുകാരനെ അച്ഛൻ വിഷം കൊടുത്തു കൊലപ്പെടുത്തി