മുംബൈ സൈബര് പൊലീസ് എന്ന വ്യാജനാമത്തില് തേവര സ്വദേശിയില് നിന്ന് അഞ്ചു ലക്ഷം രൂപ തട്ടിയെടുത്ത സംഘത്തിലെ പ്രധാന പ്രതിയെ കൊച്ചി സൈബര് പൊലീസ് പിടികൂടി. കോഴിക്കോട് കൊടുവളളി കൊയ്തപറമ്പില് ജാഫര് എന്ന 27കാരനാണ് പിടിയിലായത്. തട്ടിപ്പു സംഘം ജാഫറിന്റെ അക്കൗണ്ട് ഉപയോഗിച്ചാണ് പണം സ്വന്തമാക്കിയതെന്ന് പൊലീസ് കണ്ടെത്തി. ഇതോടെയാണ് ഇയാളെ അറസ്റ്റ് ചെയ്തത്. Five lakh rupees were defrauded from a Thevara native on the pretext of digital arrest.
ജാഫറടങ്ങുന്ന സംഘം തേവര സ്വദേശിയില് നിന്ന് അഞ്ചു ലക്ഷം രൂപ തട്ടിയെടുത്ത സംഭവത്തിലാണ് അറസ്റ്റ്. കൊറിയര് സ്ഥാപനത്തിലെ ജീവനക്കാരനെന്ന വ്യാജേനയാണ് തട്ടിപ്പു സംഘം ആദ്യം പരാതിക്കാരനെ ബന്ധപ്പെട്ടത്. തേവര സ്വദേശിയായ പരാതിക്കാരന്റെ പേരില് ചൈനയിലെ ഷാങ്ഹായിലേക്ക് എടിഎം കാര്ഡും ലാപ്ടോപ്പും ലഹരി മരുന്നായ എംഡിഎംഎയും പണവും നിയമവിരുദ്ധമായി അയച്ചു കൊടുത്തിട്ടുണ്ടെന്ന് പറഞ്ഞു.
തുടർന്ന് മുംബൈ സൈബര് പൊലീസ് എന്ന് പറഞ്ഞ് വീണ്ടും വിളിച്ച് ഭീഷണി മുഴക്കി. സിബിഐ കേസ് എടുത്തെന്നു പറഞ്ഞു ഭീഷണിപ്പെടുത്തി.കോടതി പരിശോധനകള്ക്ക് അഞ്ച് ലക്ഷം രൂപ വേണമെന്നും ഇല്ലെങ്കില് അറസ്റ്റ് ചെയ്യുമെന്നും വീഡിയോ കോളിലൂടെ വിളിച്ച് ഭീഷണിപ്പെടുത്തി.
ഭയന്നു പോയ പരാതിക്കാരന് പണം കൈമാറി. പിന്നീടാണ് തട്ടിപ്പിനെ കുറിച്ച് മനസിലാക്കിയത്. തട്ടിപ്പു സംഘം ജാഫറിന്റെ അക്കൗണ്ട് ഉപയോഗിച്ചാണ് പണം സ്വന്തമാക്കിയതെന്ന് പൊലീസ് കണ്ടെത്തിയതോടെയാണ് ഇയാളെ അറസ്റ്റ് ചെയ്തത്.
