കൊച്ചി: സംസ്ഥാനത്ത് ജൂണ് ഒന്നുമുതല് സിനിമാ സമരത്തിന് ആഹ്വാനം. സിനിമാ സംഘടനകളുടെ സംയുക്തയോഗത്തിലാണ് തീരുമാനം. താരങ്ങള് വലിയ പ്രതിഫലം കുറയ്ക്കണമെന്നതുള്പ്പെടെയുള്ള ആവശ്യങ്ങള് ഉന്നയിച്ചാണ് സമരത്തിനൊരുങ്ങുന്നത്.(Film strike in kerala from June 1)
ജിഎസ്ടി നികുതിക്കൊപ്പമുള്ള വിനോദനികുതി സംസ്ഥാന സര്ക്കാര് പിന്വലിക്കണം എന്ന് സംഘടനകൾ ആവശ്യപ്പെട്ടു.
സിനിമാ നിര്മാണം പ്രതിസന്ധിയാലായിട്ടും താരങ്ങള് പ്രതിഫലം കുറയ്ക്കാന് തയ്യാറാകുന്നില്ലെന്നാണ് നിർമാതാക്കളുടെ ആരോപണം.
ജൂണ് ഒന്നുമുതല് സിനിമകളുടെ ചിത്രികരണവും പ്രദര്ശനവും നിര്ത്തിവയ്ക്കുമെന്നാണ് സിനിമാ സംഘടനകള് അറിയിച്ചത്. വിനോദ നികുതിയുമായി ബന്ധപ്പെട്ട് നിരവധി തവണ ചര്ച്ച നടത്താന് ശ്രമിച്ചിട്ടും സര്ക്കാര് തയ്യാറായില്ലെന്നും നിര്മാതാക്കള് ആരോപിച്ചു.
