2023ലെ മികച്ച ഫുട്ബോൾ താരത്തിനുള്ള ഫിഫ ദി ബെസ്റ്റ് പുരസ്കാരം സ്വന്തമാക്കി ലയണൽ മെസ്സി. കിലിയൻ എംബാപ്പെ, എർലിംഗ് ഹാലാൻഡിനെയും മറികടന്നാണ് മെസ്സിയുടെ നേട്ടം. മികച്ച വനിതാ ഫുട്ബോളറിനുള്ള പുരസ്കാരം സ്പാനിഷ് താരം അയ്റ്റാന ബോൺമറ്റി നേടി. മാഞ്ചസ്റ്റർ സിറ്റി എഫ്സിയുടെ പെപ് ഗാർഡിയോള മികച്ച പരിശീലകനായും തിരഞ്ഞെടുക്കപ്പെട്ടു. 8–ാം തവണയാണ് മെസ്സിയുടെ പുരസ്കാര നേട്ടം.
4 തവണ ഫിഫ ബലോൻ ദ് ഓർ, 3 തവണ ഫിഫ ദ് ബെസ്റ്റ്, ഒരു തവണ ഫിഫ വേൾഡ് പ്ലെയർ ഓഫ് ദ് ഇയർ എന്നിവ മെസ്സി നേടിയിട്ടുണ്ട്. 2022 ഡിസംബർ 19 മുതൽ ഒരു വർഷക്കാലയളവിലെ പ്രകടനത്തിന്റെ അടിസ്ഥാനത്തിലാണ് പുരസ്കാരം പ്രഖ്യാപിച്ചത്. കഴിഞ്ഞ സീസണിൽ മാഞ്ചസ്റ്റർ സിറ്റിയെ ട്രിപ്പിൾ കിരീടനേട്ടത്തിൽ എത്തിച്ചതാണ് പെപ് ഗാർഡിയോളയെ പുരസ്കാരത്തിന് അർഹനാക്കിയത്. സറീന വെയ്ഗ്മാൻ തുടർച്ചയായ രണ്ടാം വർഷവും മികച്ച വനിതാ പരിശീലകനായി തെരഞ്ഞെടുക്കപ്പെട്ടു.
മികച്ച ഗോളിനുള്ള പുഷ്കാസ് അവാർഡ് ഗിൽഹെർം മദ്രുഗ നേടി. മികച്ച പുരുഷ ഗോൾകീപ്പർക്കുള്ള പുരസ്കാരം മാഞ്ചസ്റ്റർ സിറ്റിയുടെ ബ്രസീലിയൻ ഗോളി എഡേഴ്സണ് ആണ്. മേരി ഇയർപ്സാണ് മികച്ച വനിതാ ഗോൾകീപ്പർ. മാർട്ടയ്ക്ക് ലൈഫ് ടൈം അച്ചീവ്മെന്റ് അവാർഡ് സ്വന്തമാക്കി.
Read Also: പ്രസിഡന്റ് തിരഞ്ഞെടുപ്പിൽ നിന്നും പിന്മാറി ഇന്ത്യൻ വംശജൻ വിവേക് രാമസ്വാമി; ട്രംപിനെ പിന്തുണയ്ക്കും
