വനിതാ കണ്ടക്ടറുടെ സസ്പെന്ഷന് പിൻവലിച്ചു
തിരുവനന്തപുരം: കെഎസ്ആര്ടിസി ഡ്രൈവറുമായി വഴിവിട്ട ബന്ധമുണ്ടെന്ന് ആരോപിച്ച് വനിതാ കണ്ടക്ടറെ സസ്പെന്ഡ് ചെയ്ത നടപടി പിൻവലിച്ചു.
വനിതാ കണ്ടക്ടറെ സസ്പെന്ഡ് ചെയ്യാനുളള നിര്ദേശം പിന്വലിച്ചതായി ഗതാഗത വകുപ്പ് ആണ് അറിയിച്ചത്. കെഎസ്ആര്ടിസി വിജിലന്സ് വിഭാഗത്തിന്റെ റിപ്പോര്ട്ടിനെ തുടര്ന്നായിരുന്നു വനിതാ കണ്ടക്ടറെ സസ്പെന്ഡ് ചെയ്തത്.
സംഭവം വിവാദമാകുകയും ചെയ്തിരുന്നു. നടപടി കണ്ടക്ടറെയും കെഎസ്ആര്ടിസിയിലെ മറ്റു വനിതാ ജീവനക്കാരെയും അപമാനിക്കുന്നതാണെന്നു വ്യാപക പരാതിയും ഉയർന്നിരുന്നു.
കെഎസ്ആര്ടിസി ഡ്രൈവറുടെ ഭാര്യ തന്റെ ഭര്ത്താവിനു ഡിപ്പോയിലെ ഒരു വനിതാ കണ്ടക്ടറുമായി വിവാഹേതരബന്ധം ഉണ്ടെന്ന് മന്ത്രി കെ ബി ഗണേഷ് കുമാറിനു പരാതി നല്കിയിരുന്നു.
മൊബൈലില് പകര്ത്തിയ വിഡിയോ ദൃശ്യങ്ങള്, ഭര്ത്താവിന്റെ ഫോണിലെ വാട്സാപ് ചാറ്റിന്റെ സ്ക്രീന്ഷോട്ടുകള് എന്നിവ സഹിതമായിരുന്നു യുവതി പരാതി നൽകിയത്.
തുടര്ന്ന് ചീഫ് ഓഫിസ് വിജിലന്സിന്റെ ഇന്സ്പെക്ടര് അന്വേഷണം നടത്തി റിപ്പോര്ട്ട് നല്കുകയായിരുന്നു.
ബസ് ഓടിക്കുന്നതിനിടെ ഡ്രൈവറുടെ ശ്രദ്ധ തെറ്റിക്കുന്ന രീതിയില് കണ്ടക്ടര് സംസാരിച്ചു, ഡ്രൈവറുടെ മൊബൈല്ഫോണ് വാങ്ങി, യഥാസമയം യാത്രക്കാരെ സ്റ്റോപ്പുകളില് ഇറക്കിവിട്ടില്ല, യാത്രക്കാര് തന്നെ ബെല്ലടിച്ച് ഇറങ്ങേണ്ടി വന്നു തുടങ്ങിയ വിവരങ്ങളായിരുന്നു റിപ്പോര്ട്ടിൽ പറയുന്നത്.
ട്രാവൽ കാർഡ് കിട്ടിയോ
തിരുവനന്തപുരം: കെഎസ്ആർടിസി പുറത്തിറക്കിയ ട്രാവൽ കാർഡ് യാത്രക്കാർക്കിടയിൽ വലിയ സ്വീകാര്യതയെന്ന് ഗതാഗത വകുപ്പ് മന്ത്രി കെബി ഗണേഷ് കുമാർ.
ഒരു ലക്ഷം കാർഡ് അച്ചടിച്ചതിൽ നാൽപതിനായിരത്തിലധികം കാർഡുകൾ ആണ് ഇതിനോടകം വിറ്റുപോയത്.
കാർഡ് കിട്ടാത്ത യാത്രക്കാർ കണ്ടക്ടറോടോ സ്റ്റാൻ്റിലെ എസ് എം ( SM office) ഓഫീസിലോ അന്വേഷിച്ചു നോക്കാനും മന്ത്രി നിർദേശം നൽകി.
ഡിജിറ്റൽ പണമിടപാട് പ്രോത്സാഹിപ്പിക്കുന്നതിനും യാത്രക്കാർക്ക് ടിക്കറ്റ് വേഗത്തിൽ ലഭിക്കുന്നതിനുമാണ് കെഎസ്ആർടിസി ട്രാവൽ കാർഡ് അവതരിപ്പിച്ചത്.
നിലവിൽ കെഎസ്ആർടിസി കണ്ടക്ടർമാരുടെ പക്കൽനിന്ന് യാത്രക്കാർക്ക് ട്രാവൽ കാർഡ് വാങ്ങാം. കൂടാതെ കണ്ടക്ടർക്ക് തന്നെ മുൻകൂറായി പണം നൽകി കാർഡ് റീച്ചാർജ് ചെയ്യാനും കഴിയും.
ആർഎഫ്ഐഡി സാങ്കേതിക വിദ്യയിൽ അധിഷ്ഠിതമായ സുരക്ഷാ സംവിധാനങ്ങളോട് കൂടിയതാണ് കെഎസ്ആർടിസി പുറത്തിറക്കിയ ട്രാവൽ കാർഡ്.
യാത്രക്കാർക്ക് ചില്ലറയില്ലാതെയുണ്ടാകുന്ന ബുദ്ധിമുട്ടുകളും ഈ ട്രാവൽ കാർഡിലൂടെ പരിഹരിക്കപ്പെടും.
ഇക്കാര്യങ്ങൾ ശ്രദ്ധിക്കുക
100 രൂപയാണ് കാർഡിൻ്റെ ചാർജ്. ഈ കാർഡ് 0 ബാലൻസിൽ ആണ് ലഭിക്കുന്നത്. ഒരു വർഷമാണ് കാലാവധി
കാർഡ് കൃത്യമായി പ്രവർത്തിക്കുന്നുണ്ടോ എന്ന് ഉറപ്പ് വരുത്തി വാങ്ങിക്കണം.
മറ്റുള്ളവർക്ക് കാർഡ് കൈമാറുന്നതിൽ തടസ്സമില്ല. എന്നാൽ നഷ്ടപ്പെട്ടാൽ കാർഡിൻ്റെ ഉടമ മാത്രമാണ് ഉത്തരവാദി.
കാർഡ് പ്രവർത്തിക്കാതെ വന്നാൽ അടുത്തുള്ള ഡിപ്പോയിൽ പേരും,അഡ്രസ്സും,ഫോൺ നമ്പരും സഹിതം അപേക്ഷ നൽകുക. 5 ദിവസത്തിനുള്ളിൽ പുതിയ കാർഡ് ലഭിക്കും. കൂടാതെ പഴയ കാർഡിലെ തുക പുതിയ കാർഡിൽ ഉൾപ്പെടുകയും ചെയ്യും.
കേടുപാടുകൾ ( ഓടിയുക, പോറൽ, ചുളുങ്ങി ,പൊട്ടൽ പോലുള്ള പ്രവർത്തിക്കാത്ത അവസ്ഥ) വന്നാൽ മാറ്റി നൽകുന്നതല്ല എന്ന് ഓർമിക്കുക.
Summary: The suspension order of a female KSRTC conductor, based on allegations of an illicit relationship with a driver, has been revoked by the Transport Department. The suspension was initially based on a report from the KSRTC Vigilance Wing.
