കോഴിക്കോട്: യുവ കര്ഷകനെ വയലില് മരിച്ച നിലയില് കണ്ടെത്തി. കോഴിക്കോട് പേരാമ്പ്രയിലാണ് സംഭവം. ഈസ്റ്റ് പേരാമ്പ്ര വളയംകണ്ടത്തെ പുത്തന്പുരയില് ഷൈജുവാണ് മരിച്ചത്.
ഇന്ന് രാവിലെയോടെ കപ്പക്കൃഷിക്കായി വയലിലേക്ക് പോയ ഷൈജു ഉച്ച കഴിഞ്ഞിട്ടും തിരിച്ചെത്തിയില്ല. തുടര്ന്ന് നടത്തിയ അന്വേഷണത്തിലാണ് വയലിനോട് ചേര്ന്ന തോട്ടില് കിടക്കുന്ന നിലയില് കണ്ടത്.
ഉടനെ ആശുപത്രിയില് ഷൈജുവിനെ എത്തിച്ചെങ്കിലും രക്ഷിക്കാനായില്ല. അപസ്മാരം വന്നതിനു പിന്നാലെ മരണം സംഭവിച്ചതെന്നാണ് പ്രാഥമിക നിഗമനം.
കൂത്താളി പഞ്ചായത്തിലെ മികച്ച കര്ഷകനുള്ള അവാർഡ് നേടിയിരുന്നു. പിതാവ്: പരേതനായ പുത്തന്പുരയില് ബാലന്. മാതാവ്: ശാരദ. സഹോദരങ്ങള്: ഷൈജ, ബബീഷ്.
