രാജ്യത്ത് മൂന്നാഴ്ചത്തേയ്ക്ക് സമ്പൂര്ണ ലോക്ഡൗണ് പ്രഖ്യാപിക്കുമെന്ന് സാമൂഹിക മാധ്യമങ്ങളിലൂടെ പ്രചരിപ്പിച്ച മലപ്പുറം സ്വദേശി അറസ്റ്റിൽ. മലപ്പുറം സ്വദേശി എം.വി ഷറഫുദ്ദീന് ആണ് പിടിയിലായത്. ഇലക്ട്രോണിക് വോട്ടിംഗ് മെഷീനുകളില് കൃത്രിമത്വം കാണിക്കുന്നതിനായി രാജ്യത്ത് മൂന്നാഴ്ചത്തേയ്ക്ക് സമ്പൂര്ണ ലോക്ഡൗണ് പ്രഖ്യാപിക്കുമെന്ന്, സംസ്ഥാനത്ത് കോവിഡിനെത്തുടര്ന്നുണ്ടായ ലോക്ഡൗണ് സമയത്തെ ഒരു വാര്ത്തയുടെ സ്ക്രീന്ഷോട്ട് സഹിതം സമൂഹ മാധ്യമങ്ങളിൽ ഇയാൾ പോസ്റ്റ് ചെയ്യുകയായിരുന്നു. ലോക്സഭാ തെരഞ്ഞെടുപ്പ് പ്രമാണിച്ച് സാമൂഹിക മാധ്യമങ്ങളില് തെറ്റായ വാര്ത്തകള് പോസ്റ്റ് ചെയ്യുന്നവരെയും പ്രചരിപ്പിക്കുന്നവരെയും കണ്ടെത്താനായി സൈബര് ഡിവിഷന്റെ നേതൃത്വത്തില് കൊച്ചി സൈബര് ഡോം നടത്തിയ സോഷ്യൽ മീഡിയ പട്രോളിങിലാണ് വ്യാജ പ്രചരണം കണ്ടെത്തിയത്.
‘വോട്ടിങ് മെഷീനുകളിൽ കൃത്രിമം നടത്താൻ രാജ്യത്ത് മൂന്നാഴ്ചത്തേയ്ക്ക് ലോക് ഡൗൺ പ്രഖ്യാപിക്കു’മെന്ന് വ്യാജ പ്രചാരണം; മലപ്പുറം സ്വദേശിയായ യുവാവ് അറസ്റ്റിൽ
Popular Categories
Previous article
Next article