യു.കെ. യിൽ ജോലി വാഗ്ദാനം ചെയ്ത് വയനാട് സ്വദേശിയുടെ പക്കൽ നിന്നും 32 ലക്ഷം രൂപ തട്ടിച്ച കേസിൽ കോയമ്പത്തൂർ വടവള്ളി പോലീസ് കട്ടപ്പന കുന്തളം പാറ സ്വദേശികളായ, ബിബിൻ, ജയ്മോൻ, എന്നീ പ്രതികളെ അറസ്റ്റ് ചെയ്തു. extorted money from Wayanad by promising a job in the UK
കേസിൽ ജയ്മോന്റെ ഭാര്യ ബിജിമോളും പ്രതിയാണ്. ഇവർ മൂന്നുപേരും ചേർന്ന് വർഷങ്ങളായി കേരളത്തിൽ വിദേശത്തു ജോലി വാഗ്ദാനം ചെയ്തു ഒട്ടേറെ ആളുകളിൽ നിന്നും കോടിക്കണക്കിന് രൂപ തട്ടിച്ചിട്ടുണ്ടെങ്കിലും സംസ്ഥാനത്ത് ഇവർക്കെതിരേ കേസ് ഒന്നുമില്ല.
കേരളത്തിൽ ഇവർക്കെതിരെ കേസ് എടുക്കാത്തതിനെ തുടർന്ന് വയനാട് സ്വദേശി തമിഴ്നാട് പോലീസുമായി ബന്ധപെടുകയായിരുന്നു.
കോയമ്പത്തൂർ ബാങ്കിൽ നിന്നുമാണ് ബിബിന്റെ അക്കൗണ്ടിലേക്ക് പരാതിക്കാരൻ പണം അയച്ചു കൊടുത്തത്. പ്രതികളെ റിമാൻഡ് ചെയ്ത് കോയമ്പത്തൂർ ജയിലിൽ അടച്ചു.
