പുത്തൂര്വയല്: എക്സ്പ്ലോസീവ് സ്നിഫര് പൊലീസ് ഡോഗ് ‘അമ്മു’ വിന് അന്ത്യവിശ്രമ കേന്ദ്രമൊരുക്കി കെ-9 സ്ക്വാഡ്. പുത്തൂര്വയല് പൊലീസ് ഡിസ്ട്രിക്ട് ഹെഡ് ക്വാര്ട്ടേഴ്സിലാണ് അന്ത്യവിശ്രമ കേന്ദ്രമൊരുക്കിയത്.
നിരവധി പ്രമാദമായ കേസുകളുടെ അന്വേഷണത്തിന് പോലീസിനൊപ്പം നിറ സാന്നിധ്യമായിരുന്നു അമ്മു. വയനാട് ജില്ലയിലെ കെ-9 സ്ക്വാഡിലാണ് അമ്മു സേവനമനുഷ്ഠിച്ചിരുന്നത്. അമ്മുവിന്റെ പരിശീലകരായ സിവില് പൊലീസ് ഓഫിസര്മാര് കെ. സുധീഷ്, പി. ജിതിന് എന്നിവരുടെ മേല്നോട്ടത്തില് കെ-9 സ്ക്വാഡിന്റെ നേതൃത്വത്തിലാണ് പുത്തൂര്വയല് പൊലീസ് ഡിസ്ട്രിക്ട് ഹെഡ് ക്വാര്ട്ടേഴ്സിലാണ് അന്ത്യവിശ്രമ കേന്ദ്രമൊരുക്കിയത്.
2024 ഒക്ടോബർ 24നായിരുന്നു അമ്മുവിന്റെ വിയോഗം. മരിക്കുമ്പോൾ ഒന്പത് വയസായിരുന്നു. 2017 ല് നടന്ന കേരളാ പോലീസ് ഡ്യൂട്ടി മീറ്റില് എക്സ്പ്ലോസീവ് സ്നിഫിങ്ങില് മൂന്നാം സ്ഥാനം കരസ്ഥമാക്കിയിരുന്നു.
2018ല് ഓള് ഇന്ത്യ പൊലീസ് ഡ്യൂട്ടി മീറ്റിലും പങ്കെടുത്തു. സംസ്കാര ചടങ്ങില് അന്തിമോപചാരം അര്പ്പിച്ച ശേഷം വയനാട് ജില്ലാ പൊലീസ് മേധാവി തപോഷ് ബസുമതാരി ഐ.പി.എസ് നല്കിയ നിര്ദേശ പ്രകാരമാണ് കല്ലറ ഒരുക്കിയത്.
