കണ്ണൂർ: കണ്ണൂരിൽ സ്ഫോടക വസ്തു പൊട്ടിത്തെറിച്ച് അപകടം. രണ്ട് തൊഴിലുറപ്പ് തൊഴിലാളികൾക്ക് പരിക്കേറ്റു. മാലൂർ പൂവൻപൊയിലിലാണ് സംഭവം.(Explosive device explodes in Kannur; Two workers injured)
മാലൂര് പഞ്ചായത്തിലെ പന്ത്രണ്ടാം വാര്ഡിലാണ് സംഭവം. തൊഴിലുറപ്പ് തൊഴിലാളികളായ വിജയലക്ഷ്മി, പ്രീത എന്നിവർക്കാണ് പരിക്കേറ്റത്. ഇവരെ തലശ്ശേരിയിലെ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ല എന്നാണ് വിവരം.
സജീവന് എന്നയാളുടെ വാഴത്തോട്ടം വെട്ടിതെളിക്കുന്നതിനിടെയാണ് സ്ഫോടക വസ്തു പൊട്ടിത്തെറിച്ചത്. സംഭവസ്ഥലത്ത് പൊലീസ് പരിശോധന നടത്തി.
