വരും വർഷം ദുബൈയിൽ സാലിക്കും ( ടോൾ) പാർക്കിങ്ങ് ഫീസും വർധിപ്പിക്കുമെന്നിരിക്കെ വീട്ടിലിരുന്ന് ജോലി ചെയ്യാനുള്ള അവസരം വേണമെന്ന് കമ്പനികളോട് ആവശ്യപ്പെട്ട് ജീവനക്കാർ. റോഡിലെ തിരക്കും കൂടുതൽ സാലിക്ക് ( ടോൾ) ഗേറ്റുകൾ വരുന്നതും ചെലവ് ഉയർത്തുമെന്ന ആശങ്ക മധ്യ വരുമാനക്കാരായ ജീവനക്കാർക്ക് ഉൾപ്പെടെയുണ്ട് . Employees in the UAE come up with a unique strategy to overcome rising taxi and parking fees

വരും വർഷം സ്വന്തമായി വാഹനമുള്ളവർക്ക് സാമ്പത്തികച്ചെലവ് ഏറും. സമാന്തര റോഡുകളിൽ പോലും തിരക്ക് എറുന്നുവെന്നും ഗതാഗതക്കുരുക്കുകളിൽ നിന്നും രക്ഷപെടാൻ ആകുന്നില്ലെന്നും വാഹനമോടിക്കുന്നവർ പറയുന്നു. വർക്ക് അറ്റ് ഹോം, ഫ്‌ലെക്‌സിബിൾ ജോലിസമയം എന്നിവ തിരക്ക് കുറയ്ക്കുന്നതിനും ഗതാഗതക്കുരുക്കിൽ നിന്നും രക്ഷപെടുന്നതിനും സഹായിക്കും.

കഴിഞ്ഞ മാസം ആർ.ടി.എ.യും ദുബൈ സർക്കാർ ഹ്യൂമൻ റിസോഴ്‌സസും നടത്തിയ സർവേയിൽ സർക്കാർ ജീവനക്കാർ ഉൾപ്പെടെ ഫ്‌ളെക്‌സിബിൾ ജോലി സമയത്തെ അനുകൂലിച്ചിരുന്നു. നിലവിൽ 32 ശതമാനം സ്വകാര്യ കമ്പനികൾ വർക്ക് അറ്റ് ഹോം നടപ്പാക്കാൻ സന്നദ്ധമാണെന്നാണ് കണക്കുകൾ.