ദൃശ്യം 3 റിലീസ് നീട്ടി; ലാലേട്ടന്റെ പിറന്നാളിൽ അരങ്ങുകളിലേക്ക്
കൊച്ചി: ഏറെ കാത്തിരുന്ന ‘ദൃശ്യം 3’-യുടെ റിലീസ് തീയതി മാറ്റി. നേരത്തെ ഏപ്രിൽ 2-ന് എത്തുമെന്ന് പ്രഖ്യാപിച്ചിരുന്ന ചിത്രം, ഇനി മെയ് 21-ന് തിയറ്ററുകളിലെത്തുമെന്ന് നിർമ്മാതാക്കളായ ആശിർവാദ് സിനിമാസ് അറിയിച്ചു.
പ്രത്യേക ദിവസത്തിൽ റിലീസ്
പുതിയ റിലീസ് തീയതിയായ മെയ് 21, മോഹൻലാലിന്റെ ജന്മദിനം കൂടിയായതിനാൽ ചിത്രത്തിന് കൂടുതൽ പ്രത്യേകത ലഭിക്കുന്നു.
“ഭൂതകാലം ഒരിക്കലും നിശബ്ദമാവുന്നില്ല, അത് കാത്തിരിക്കുക മാത്രം ചെയ്യുന്നു” എന്ന ക്യാപ്ഷനോടെയാണ് പ്രഖ്യാപനം.
റിലീസ് മാറ്റത്തിന് കാരണം?
റിലീസ് മാറ്റത്തിന് ഔദ്യോഗിക കാരണം വ്യക്തമാക്കിയിട്ടില്ല. എന്നാൽ പശ്ചിമേഷ്യൻ സംഘർഷം ഗൾഫ് റിലീസിനെ ബാധിക്കാമെന്ന ആശങ്ക മുൻപ് റിപ്പോർട്ടുകളിലുണ്ടായിരുന്നു.
ശബരിമലയിൽ യുവതി പ്രവേശനത്തിന് എതിർപ്പ്; ദേവസ്വം ബോർഡ് സുപ്രീംകോടതിയിൽ
പ്രതീക്ഷ ഉയർത്തി ജീത്തു ജോസഫ്
സംവിധായകൻ ജീത്തു ജോസഫ് പറഞ്ഞതനുസരിച്ച്, ചിത്രം മുൻഭാഗങ്ങളുമായി സാമ്യമില്ലാത്ത പുതിയ അനുഭവമായിരിക്കും. ജോർജുകുട്ടിയുടെ ഇമോഷനുകൾക്കാണ് ചിത്രത്തിൽ കൂടുതൽ പ്രാധാന്യം.
“വലിയ ‘മാസ്’ സിനിമയായി പ്രതീക്ഷിക്കരുത്, മുൻവിധികളില്ലാതെ കാണണം,” എന്നും അദ്ദേഹം വ്യക്തമാക്കി.
ആരാധകർക്ക് കാത്തിരിപ്പ് നീളുന്നു
റിലീസ് മാറ്റം ആരാധകരിൽ ചെറിയ നിരാശ സൃഷ്ടിച്ചിട്ടുണ്ടെങ്കിലും, മെയ് 21 റിലീസ് കൂടുതൽ വലിയ ആഘോഷമായി മാറുമെന്നാണ് പ്രതീക്ഷ.
English Summary:
The release of Drishyam 3, starring Mohanlal, has been postponed from April 2 to May 21, which also marks the actor’s birthday. While the makers haven’t officially stated a reason, reports suggest possible impacts on Gulf releases. Director Jeethu Joseph hinted that the film will focus more on emotional depth rather than mass elements, raising anticipation among fans.
