ന്യൂഡൽഹി: ലോകം മുഴുവൻ പ്രകാശത്തിന്റെ ഉത്സവമായി ആഘോഷിക്കുന്ന ദീപാവലി ഇനി യുനെസ്കോയുടെ സാംസ്കാരിക പൈതൃക പട്ടികയിൽ.
ഡൽഹിയിലെ ചരിത്രപ്രസിദ്ധമായ ചെങ്കോട്ടയിൽ നടന്ന യുനെസ്കോയുടെ സാംസ്കാരിക പൈതൃക സംരക്ഷണസമ്മേളനത്തിലാണ് ഈ മഹത്തായ പ്രഖ്യാപനം നടന്നത്.
ഇത്തരം ഒരു ആഗോള സമ്മേളനത്തിന് ഇന്ത്യ ആദ്യമായി വേദിയായതും ചടങ്ങിന് കൂടുതൽ വൈഭവം പകരുകയായിരുന്നു.
ദീപാവലിക്ക് യുനെസ്കോയുടെ പൈതൃക അംഗീകാരം
യുനെസ്കോയുടെ Representative List of the Intangible Cultural Heritage of Humanity പട്ടികയിലാണ് ദീപാവലി ഇടം നേടിയത്.
പ്രഖ്യാപന നിമിഷത്തിൽ സമ്മേളനഹാളിലാകെ ‘വന്ദേ മാതരം’, ‘ഭാരത് മാതാ കീ ജയ്’ തുടങ്ങിയ ദേശഭക്തിനാദങ്ങൾ മുഴങ്ങുകയും ചരിത്രനിമിഷത്തെ അഭിമാനത്തോടെ ലോകത്തിനു മുന്നിൽ പ്രഖ്യാപിക്കുകയും ചെയ്തു.
കുംഭമേള, ദുര്ഗാപൂജ, ഗർബ കഴിഞ്ഞ് ദീപാവലിയും പട്ടികയിൽ
ഇതിനുമുന്പ് കുംഭമേള, കൊൽക്കത്തയിലെ ദുര്ഗ്ഗാപൂജ, ഗുജറാത്തിലെ ഗർബ നൃത്തം, യോഗ എന്നിവ ഉൾപ്പെടെ ഇന്ത്യയിലെ 15 സാംസ്കാരിക പാരമ്പര്യങ്ങൾക്കും യുനെസ്കോ പൈതൃക പദവി ലഭിച്ചിരുന്നു.
അതേ നിരയിലേക്ക് ഇന്ത്യൻ സംസ്കാരത്തിന്റെ ദീപാവലിയും ചേർന്നതോടെ രാജ്യത്തെ ആചാരപരമ്പര്യങ്ങൾക്കുള്ള അന്താരാഷ്ട്ര അംഗീകാരം കൂടുതൽ ശക്തമായി.
ഇന്ത്യയിൽ ഏറ്റവും വ്യാപകമായി ആഘോഷിക്കുന്ന ഹിന്ദു ഉത്സവങ്ങളിൽ ഒന്നാണ് ദീപാവലി.
വീര സവർക്കറിന്റെ പേരിലുള്ള പുരസ്കാരം സ്വീകരിക്കില്ലെന്ന് ശശി തരൂരിന്റെ ഓഫീസ്
ഇരുട്ടിനുമേൽ വെളിച്ചത്തിന്റെ ജയം, തിന്മയ്ക്കുമേൽ നന്മയുടെ വിജയം, ആത്മീയ ജാഗ്രത, ഐശ്വര്യത്തിന്റെ വരവ് എന്നിവയെ പ്രതീകമായി കരുതി ഈ ഉത്സവം ആഘോഷിക്കുന്നു.
ദീപാവലിയെക്കുറിച്ച് നിരവധി ഐതിഹ്യങ്ങൾ പ്രചാരത്തിലുള്ളുണ്ട്. പാൽക്കടൽ മഥനത്തിൽ നിന്നു മഹാലക്ഷ്മി പ്രത്യക്ഷപ്പെട്ട ദിനമാണെന്ന് ഒരു വിശ്വാസമുണ്ട്.
14 വർഷത്തെ വനവാസത്തിനു ശേഷം ശ്രീരാമൻ അയോധ്യയിൽ മടങ്ങിവന്ന ദിനം ദീപാവലിയായി ആചരിക്കപ്പെടുന്നുവെന്നുമൊരു ഐതിഹ്യത്തുണ്ട്.
കേരളത്തിൽ ദീപാവലിയോടൊപ്പം പലപ്പോഴും നരകചതുര്ദശിയും ഒരേ ദിവസം വരാറുണ്ട്.
നരകചതുര്ദശിയും ദീപാവലിയും കേരളത്തിന്റെ സാംസ്കാരികതയിൽ
നരകാസുരനെ ശ്രീകൃഷ്ണൻ വധിക്കുകയും 16,000 സ്ത്രീകളെ അസുരന്റെ പിടിമുറുക്കത്തിൽ നിന്ന് രക്ഷിക്കുകയും ചെയ്ത ദിനമായി നരകചതുര്ദശി ആചരിക്കുന്നു.
അതുകൊണ്ട് തന്നെ ഈ ദിവസം ശ്രീകൃഷ്ണാരാധന ഐശ്വര്യപ്രദമെന്നു കേരളീയർ വിശ്വസിക്കുന്നു.
യുനെസ്കോ അംഗീകാരം ലഭിച്ചതോടെ ഇന്ത്യൻ സംസ്കാരത്തിന്റെ പ്രഭയും പ്രകാശത്തിന്റെ ഈ മഹോത്സവത്തിന്റെ ആഗോള സ്വാധീനവും കൂടുതൽ ശക്തിപ്പെടാനുള്ള വഴിയൊരുങ്ങിയിരിക്കുകയാണ്.
English Summary
UNESCO has added Diwali to its Intangible Cultural Heritage list. The announcement was made at the Red Fort in New Delhi during UNESCO’s cultural heritage conference hosted by India for the first time. Diwali joins other Indian traditions like Kumbh Mela, Durga Puja, Garba, and Yoga already on the list.
