മുഖത്ത് ചോര കല്ലിച്ച പാടുകളും കഴുത്തിൽ രക്തക്കറയോടെയുള്ള മുറിവുകളും; കാളികാവ് ഉദരപൊയിലിൽ മരിച്ച രണ്ടര വയസ്സുകാരിയുടെ മരണത്തിൽ ദുരൂഹത ആരോപിച്ച് ബന്ധുക്കൾ; പിതാവ് മർദ്ദിച്ചു കൊലപ്പെടുത്തിയതോ ?

കാളികാവ് ഉദരപൊയിലിൽ മരിച്ച രണ്ടര വയസ്സുകാരിയുടെ മരണത്തിനു കാരണം പിതാവ് ഹാരിസിന്റെ മർദ്ദനമെന്നു ബന്ധുക്കൾ. ഫാരിസിന്റെ മകൾ നസ്‌റിൻ ഇന്നലെയാണ് മരിച്ചത്. കുട്ടിയുടെ ശരീരത്തിൽ മർദനമേറ്റ പാടുകൾ
കണ്ടെത്തിതും കഴുത്തിലും മുഖത്തും പാടുകളുള്ളത് കണ്ടെത്തിയതുമാണ് ബന്ധുക്കളുടെ സംശയത്തിന് കാരണം. പുറത്തുവന്ന ചിത്രത്തിൽതന്നെ ഇത് കാണാം. മുഖത്ത് ചോര കല്ലിച്ച പാടുകളും കഴുത്തിൽ രക്തക്കറയോടെയുള്ള മുറിവുകളുമാണുള്ളത്.കുഞ്ഞിനെ പിതാവ് ഫാരിസ് മർദിച്ചു കൊലപ്പെടുത്തിയതായി ബന്ധുക്കൾ ആരോപിച്ചു. കുഞ്ഞിന്റെ മൃതദേഹം മഞ്ചേരി മെഡിക്കൽ കോളേജിൽ ആശുപത്രിയിലാണുള്ളത്. പോസ്റ്റ്‌മോർട്ടത്തിനു ശേഷമേ മരണകാരണം വ്യക്തമാകൂവെന്ന് പൊലീസ് അറിയിച്ചു. ഭക്ഷണം തൊണ്ടയിൽ കുടുങ്ങിയെന്ന് പറഞ്ഞായിരുന്നു കുഞ്ഞിനെ ആശുപത്രിയിൽ എത്തിച്ചത്.

Read Also: കൊല്ലം കൊറ്റംകുളങ്ങര ചമയവിളക്കിനിടെ വണ്ടിക്കുതിര നിയന്ത്രണം തെറ്റി; അഞ്ചു വയസ്സുകാരിയുടെ മേലെ രഥം കയറിയിറങ്ങി ദാരുണാന്ത്യം