കൊല്ലക്കയിൽ ദേവകി അമ്മയ്ക്ക് പത്മശ്രീ; ചിത്രകാരൻ കൃഷ്ണനും പുരസ്കാരം
ന്യൂഡൽഹി: ആലപ്പുഴ മുതുകുളം കൊല്ലക്കയിൽ ദേവകി അമ്മയ്ക്ക് (92) പരിസ്ഥിതി സംരക്ഷണ രംഗത്തെ സമഗ്ര സംഭാവനകൾ കണക്കിലെടുത്ത് പത്മശ്രീ പുരസ്കാരം.
വനവൽക്കരണ പ്രവർത്തനങ്ങളിലൂടെ പ്രകൃതി സംരക്ഷണത്തിന് ജീവിതം സമർപ്പിച്ച ദേവകി അമ്മ, മൂവായിരത്തിലധികം അപൂർവ ഔഷധസസ്യങ്ങളെ സംരക്ഷിച്ച് വളർത്തിയതിനാണ് ഈ അംഗീകാരം.
പരിസ്ഥിതി സംരക്ഷണ രംഗത്തെ ഇടപെടലുകൾക്കായി ദേവകി അമ്മയെ മുൻപ് രാജ്യം ‘വനമിത്ര’ പുരസ്കാരം നൽകി ആദരിച്ചിരുന്നു.
പ്രായാധിക്യവും ആരോഗ്യപ്രശ്നങ്ങളും മറികടന്ന് പ്രകൃതിക്കായി പ്രവർത്തിച്ച ദേവകി അമ്മയുടെ സേവനമാണ് ഇപ്പോൾ പത്മശ്രീയായി രാജ്യം ആദരിക്കുന്നത്.
അതേസമയം, കുറുമ്പ ഗോത്ര വിഭാഗത്തിൽ നിന്നുള്ള പ്രശസ്ത ചിത്രകാരനും നീലഗിരി സ്വദേശിയുമായ ആർ. കൃഷ്ണന് മരണാനന്തര ബഹുമതിയായി പത്മശ്രീ പ്രഖ്യാപിച്ചു.
‘അൺസങ് ഹീറോസ്’ വിഭാഗത്തിൽ ഉൾപ്പെടുത്തി ഇത്തവണ 45 പേർക്കാണ് പത്മശ്രീ പുരസ്കാരം ലഭിച്ചത്.
ഇതോടൊപ്പം, കര്ണാടകയിലെ സാമൂഹിക പ്രവർത്തകൻ അങ്കെ ഗൗഡ, മഹാരാഷ്ട്രയിലെ അർമിഡ ഫെർണാണ്ടസ്, മധ്യപ്രദേശിലെ ഭഗ്വദാസ് റായ്ക്വാർ, ജമ്മു കശ്മീരിലെ ബ്രിജ് ലാൽ ഭട്ട്, ഛത്തീസ്ഗഡിലെ ബുദ്രി താതി, ഒഡീഷയിലെ ചരൺ ഹെംബ്രം, ഉത്തർപ്രദേശിലെ ചിരഞ്ജി ലാൽ യാദവ്, ഗുജറാത്തിലെ ധാർമിക് ലാൽ ചുനിലാൽ എന്നിവർക്കും പത്മശ്രീ പുരസ്കാരങ്ങൾ പ്രഖ്യാപിച്ചിട്ടുണ്ട്.
English Summary:
Devaki Amma (92) from Muthukulam, Alappuzha, has been awarded the Padma Shri for her lifelong contributions to environmental conservation. She played a key role in afforestation and protected over 3,000 rare medicinal plants. Tribal artist R. Krishnan from Nilgiris received the Padma Shri posthumously. This year, 45 individuals were honored under the ‘Unsung Heroes’ category.
devaki-amma-padma-shri-environment-conservation
Padma Shri, Devaki Amma, Alappuzha, environmental conservation, afforestation, medicinal plants, Unsung Heroes, Kerala
