ചേർത്തലയിൽ ശരീര അവശിഷ്ടങ്ങൾ കണ്ടെത്തി
ചേര്ത്തല: പള്ളിപുറത്ത് വീട്ടുവളപ്പില് നിന്ന് മൃതദേഹ അവശിഷ്ടങ്ങള് കണ്ടെത്തി. രണ്ടു സ്ത്രീകളെ കാണാതായ കേസുകളില് ആരോപണ വിധേയനായ സെബാസ്റ്റ്യന്റെ വീട്ടുവളപ്പില് നിന്നാണ് അവശിഷ്ടങ്ങള് കണ്ടെത്തിയത്.
ചേര്ത്തല കടക്കരപ്പള്ളിയില് നിന്നും ബിന്ദു പത്മനാഭന്, കോട്ടയം ഏറ്റുമാനൂരില് നിന്നും ജയമ്മ എന്നിവരെയാണ് കാണാതായത്.
ഈ തിരോധാനക്കേസില് ക്രൈം ബ്രാഞ്ച് അന്വേഷണം നടത്തിവരുന്നതിനിടെയാണ് മൃതദേഹ അവശിഷ്ടങ്ങള് കണ്ടെത്തിയത്.
ബിന്ദു പത്മനാഭന്റെ തിരോധാനത്തില് പ്രധാനപ്രതി സെബാസ്റ്റ്യനു നുണപരിശോധന നടത്തണമെന്നാവശ്യപ്പെട്ട് ക്രൈംബ്രാഞ്ച് കോടതിയെ സമീപിച്ചിരുന്നു.
ബിന്ദുവിനെ കാണാനില്ലെന്ന് കാട്ടി സഹോദരന് പ്രവീണ്കുമാര് 2017 സെപ്തംബറില് നല്കിയ പരാതിയെ തുടര്ന്നായിരുന്നു അന്വേഷണം നടക്കുന്നത്.
കേസിൽ ആദ്യം പട്ടണക്കാട് പോലീസും കുത്തിയതോട് സിഐയും തുടര്ന്ന് ജില്ലാ പോലീസ് മേധാവിയുടെ നിര്ദേശപ്രകാരം ജില്ലാ നര്കോട്ടിക് സെല് ഡിവൈഎസ്പി എ. നസീമും അന്വേഷണം നടത്തിയിരുന്നു. തുടർന്ന് കേസ് ജില്ലാ ക്രൈംബ്രാഞ്ചിനു കൈമാറുകയായിരുന്നു.
സംഭവവുമായി ബന്ധപ്പെട്ട് മൂന്നു കേസുകള് ആണ് രജിസ്റ്റര് ചെയ്തിരിക്കുന്നത്. റിയല് എസ്റ്റേറ്റ് ഇടനിലക്കാരനായ സെബാസ്റ്റ്യനുമായി കാണാതായ ബിന്ദു 2003 മുതല് അടുത്ത ബന്ധം പുലര്ത്തിയിരുന്നതായും പലതവണ സെബാസ്റ്റ്യന്റെ പള്ളിപ്പുറത്തെ വീട്ടില് വന്നിട്ടുള്ളതായും പോലീസിന്റെയും ക്രൈംബ്രാഞ്ചിന്റെയും അന്വേഷണത്തില് മൊഴി ലഭിച്ചിരുന്നു.
കൂടാതെ ബിന്ദുവിന്റെ പേരില് ഇടപ്പള്ളിയിലെ ഭൂമി വ്യാജപ്രമാണമുണ്ടാക്കി കൈമാറ്റം നടത്തിയ കേസിലും സെബാസ്റ്റ്യന് പ്രതിയായിരുന്നു.
ബിന്ദുവിന്റെ മാതാപിതാക്കളുടെ മരണശേഷം ഏറ്റവും കൂടുതല് ഇടപഴകിയിട്ടുള്ളത് സെബാസ്റ്റ്യന് മാത്രമായിരുന്നെന്നും അന്വേഷണത്തിൽ കണ്ടെത്തിയിട്ടുണ്ട്.
അതേസമയം ഡിസംബർ 23നാണ് ജയമ്മയെ കാണാതായത്. ഏറ്റവും ഒടുവിൽ ജയമ്മയുടെ ഫോൺ ഓണായത് ചേർത്തല പള്ളിപ്പുറത്താണ് എന്ന കണ്ടെത്തിയിരുന്നു. ഇവരുടെ തിരോധാനവുമായി ബന്ധപ്പെട്ട കേസിലെ അന്വേഷണത്തിലാണ് ഇവിടെ പരിശോധന നടത്തിയത്.
ഭാര്യയെ കൊല്ലാൻ ശ്രമിച്ച യുവാവ് പിടിയിൽ
ഭാര്യയെ കൊലപ്പെടുത്താന് ശ്രമിക്കുകയും വാതില് തുറക്കാതെ വന്നതോടെ മുറ്റത്ത് ഉണ്ടായിരുന്ന ഇരുചക്രവാഹനത്തിന് തീയിടുകയും ചെയ്ത ഭർത്താവ് അറസ്റ്റിൽ. കോഴിക്കോട് കുണ്ടുങ്ങലില് ആണ് സംഭവം.
പെട്രോളുമായി വന്ന ഭര്ത്താവ് നൗഷാദ് ആണ് അറസ്റ്റിലായത്. ഇയാൾ ലഹരി ഉപയോഗിച്ചാണ് ഭാര്യയോട് ക്രൂരത കാണിച്ചിരുന്നതെന്നും പരാതിയുണ്ട്. നിരന്തരം തന്നെ ഉപദ്രവിക്കാറുണ്ടെന്നാണ് ഭാര്യ ജാസ്മിന് പോലീസില് നല്കിയ മൊഴി.
നൗഷാദിന്റെയും ജാസ്മിന്റെയും രണ്ടാം വിവാഹമാണ്. രണ്ടാം വിവാഹത്തില് ഇരുവര്ക്കും നാലുമാസം പ്രായമുള്ള ഒരു കുഞ്ഞുമുണ്ട്. .
‘ഉറങ്ങാന് സമ്മതിക്കാതെ മര്ദിക്കും. കത്തി എടുത്ത് ശരീരത്തില് വരയ്ക്കും. ശ്വാസം മുട്ടിക്കും. ഞാന് പിടയുമ്പോള് വിടും. ഇത് ആവര്ത്തിച്ചുകൊണ്ടിരിക്കും’ ജാസ്മിന് പറഞ്ഞു.
കഴിഞ്ഞ ചൊവ്വാഴ്ച ജാസ്മിനെ കാണാന് കോഴിക്കോട് കുണ്ടുങ്ങലെ വീട്ടിലേക്ക് അവരുടെ ഉമ്മയും ഉപ്പയും വന്നിരുന്നു. ഇതേത്തുടര്ന്നുള്ള വിരോധം വെച്ചാണ് നൗഷാദ് കൊലപാതകശ്രമം നടത്തിയതെന്നാണ്ഇവർ പറയുന്നത്.
മുഖത്തടക്കം അടിച്ചു പരിക്കേല്പ്പിച്ചു. കത്തി ഉപയോഗിച്ച് നെറ്റിയിലും പോറലേല്പ്പിച്ചു. വീട്ടില് നിന്ന് ഇറങ്ങിപ്പോയ നൗഷാദ് വൈകിട്ട് തിരിച്ചെത്തിയപ്പോള് കയ്യില് പെട്രോള് നിറച്ച കുപ്പിയുണ്ടായിരുന്നു.
വാതിലില് മുട്ടിയപ്പോള് ഭയംകൊണ്ട് വാതില് തുറന്നില്ല. ഒരുപാട് സമയം തുറക്കാതിരുന്നപ്പോള് മുറ്റത്തുണ്ടായിരുന്ന ജാസ്മിന്റെ സഹോദരിയുടെ ഇരുചക്രവാഹനം പെട്രോള് ഒഴിച്ച് കത്തിക്കുകയായിരുന്നു.
മജിസ്ട്രേറ്റ് മുന്പില് ഹാജരാക്കിയ പ്രതി നൗഷാദിനെ റിമാന്ഡ് ചെയ്തിട്ടുണ്ട്. ശേഷം പ്രതിയെ കോഴിക്കോട് ജില്ലാ ജയിലിലേക്ക് മാറ്റി.
Summary: Human remains were recovered from the premises of a house in Pallippuram, Cherthala, in connection with the case of two missing women. The remains were found in the property of Sebastian, who is an accused in the disappearance cases.
