വണ്ണം കുറയ്ക്കാൻ മരുന്ന് കഴിക്കുന്നവർ ജാഗ്രത! ഇൻഫ്ലുവൻസർമാരുടെ കപട വാഗ്ദാനങ്ങൾ വിശ്വസിക്കരുത്; കേന്ദ്രത്തിന്റെ കർശന മുന്നറിയിപ്പ്

ന്യൂഡൽഹി: പൊണ്ണത്തടി കുറയ്ക്കാനെന്ന പേരിൽ വിപണിയിലിറങ്ങുന്ന മരുന്നുകളുടെയും ചികിത്സകളുടെയും അതിപ്രസരത്തിന് കടുത്ത നിയന്ത്രണമേർപ്പെടുത്തി കേന്ദ്ര സർക്കാർ.

അമിതവണ്ണം കുറയ്ക്കാനുള്ള കുറുക്കുവഴികളെന്ന പേരിൽ സോഷ്യൽ മീഡിയയിലും മറ്റും പ്രത്യക്ഷപ്പെടുന്ന

തെറ്റിദ്ധരിപ്പിക്കുന പരസ്യങ്ങൾക്കെതിരെ ഡ്രഗ്‌സ് കൺട്രോളർ ജനറൽ ഓഫ് ഇന്ത്യ (DCGI) കടുത്ത നടപടിയുണ്ടാകുമെന്ന് അറിയിച്ചു.

ബോധവത്കരണ ക്യാംപയിനുകളുടെ മറവിൽ നടക്കുന്ന അനധികൃത മരുന്ന് വിപണനം ഇനി നടപ്പില്ല

പലപ്പോഴും ‘ഹെൽത്ത് അവയർനസ്’ അല്ലെങ്കിൽ ‘ബോധവത്കരണ പരിപാടി’ എന്ന വ്യാജേനയാണ് കുറിപ്പടിയിലൂടെ മാത്രം നൽകേണ്ട (Prescription Drugs) മരുന്നുകൾ പൊതുജനങ്ങൾക്ക് മുന്നിൽ പ്രദർശിപ്പിക്കുന്നത്.

ഇത്തരം തന്ത്രങ്ങൾ വഴി മരുന്നുകൾ മാർക്കറ്റ് ചെയ്യുന്നത് അംഗീകരിക്കാൻ കഴിയില്ലെന്ന് ഡിസിജിഐ വ്യക്തമാക്കി.

ജനങ്ങളെ തെറ്റിദ്ധരിപ്പിക്കുന്ന ഇത്തരം പ്രവർത്തനങ്ങൾക്കെതിരെ ശക്തമായ നിയമനടപടികൾ സ്വീകരിക്കാനാണ് കേന്ദ്ര തീരുമാനം.

സോഷ്യൽ മീഡിയയിലെ ഇൻഫ്ലുവൻസർമാരും സെലിബ്രിറ്റികളും കുടുങ്ങും; പ്രമോഷനുകൾക്ക് വിലക്ക്

ഇൻസ്റ്റഗ്രാം, ഫേസ്ബുക്ക് തുടങ്ങിയ പ്ലാറ്റ്‌ഫോമുകളിലെ ഇൻഫ്ലുവൻസർമാരെയും സിനിമ-കായിക മേഖലകളിലെ സെലിബ്രിറ്റികളെയും ഉപയോഗിച്ച് ഉൽപ്പന്നങ്ങൾ പ്രൊമോട്ട് ചെയ്യുന്ന രീതിക്ക് ഇനി വലിയ വില നൽകേണ്ടി വരും.

പുലിവാൽ കല്യാണം 2.0! താലികെട്ടിന് മുന്നിൽ രണ്ട് വരന്മാർ; തുടർന്ന് സംഘർഷം

മാർച്ച് 10-ന് പുറത്തിറക്കിയ സർക്കുലർ പ്രകാരം, നേരിട്ടോ പരോക്ഷമായോ ഒരു ഉൽപ്പന്നത്തെ അടയാളപ്പെടുത്തുന്ന കോർപ്പറേറ്റ് ക്യാംപയിനുകളും ബ്രാൻഡ് പ്രമോഷനുകളും നിയമവിരുദ്ധമാണ്.

പ്രിന്റ്, ഡിജിറ്റൽ, സോഷ്യൽ മീഡിയ തുടങ്ങി എല്ലാ മാധ്യമങ്ങൾക്കും ഇത് ബാധകമായിരിക്കും.

അശാസ്ത്രീയമായ ഭക്ഷണ നിയന്ത്രണവും മരുന്നുകളും പൊതുജനാരോഗ്യം തകർക്കുന്നു

അമിതവണ്ണം എന്നത് ശാസ്ത്രീയമായ രീതിയിൽ ചികിത്സിക്കേണ്ട ഒരു ഉപാപചയ (Metabolic) അവസ്ഥയാണ്.

എന്നാൽ ഫാർമസ്യൂട്ടിക്കൽ കമ്പനികൾ തങ്ങളുടെ മരുന്നുകൾ വിറ്റഴിക്കാൻ വേണ്ടി വ്യായാമത്തെയും ശരിയായ ഭക്ഷണക്രമത്തെയും കുറച്ചുകാണിക്കുന്നത് ആരോഗ്യകരമല്ലെന്ന് ഡിസിജിഐ നിരീക്ഷിച്ചു.

അശാസ്ത്രീയമായ രീതികൾ പ്രോത്സാഹിപ്പിക്കുന്നത് ജനങ്ങളുടെ ആരോഗ്യത്തെ ദോഷകരമായി ബാധിക്കുന്നതിനാൽ ഇത്തരം പരസ്യങ്ങൾ അടിയന്തരമായി നിയന്ത്രിക്കാനാണ് നിർദ്ദേശം.

English Summary

The Drugs Controller General of India (DCGI) has implemented strict measures to regulate misleading advertisements related to weight loss treatments. According to the circular issued on March 10, promoting prescription drugs under the guise of awareness campaigns is illegal. The ban extends to all digital, social media, and print platforms, specifically targeting influencer marketing and celebrity endorsements.