തൃശൂര്‍: ഫൈബര്‍ വള്ളം പിക്കപ്പ് വാന് മുകളില്‍വെച്ചുകെട്ടി അപകടകരമായ യാത്ര. തിരുനെല്‍വേലിയില്‍ നിന്നും ബേപ്പൂരിലേക്കായിരുന്നു ഫൈബര്‍ വള്ളവുമായുള്ള യാത്ര.
തൃശൂരില്‍ വച്ച് ആര്‍ടിഒ എന്‍ഫോഴ്‌സ്‌മെന്റ് വാഹനവും വളളവും പിടികൂടി.പരിശോധനയിൽ നിയമലംഘനങ്ങൾ ഒന്നൊന്നായി പുറത്തുവന്നതോടെ മോട്ടോർ വാഹന വകുപ്പ് ₹27,500 രൂപ പിഴ ചുമത്തി.
ഫിറ്റ്നസ്, ഇൻഷുറൻസ്, പൊല്യൂഷൻ സർട്ടിഫിക്കറ്റ് — ഒന്നും ഇല്ല!
ഫിറ്റ്നസ് സർട്ടിഫിക്കറ്റ്, ഇൻഷുറൻസ്, പൊല്യൂഷൻ സർട്ടിഫിക്കറ്റ് എന്നിവയൊന്നുമില്ലാതെ തന്നെ വാഹനം സംസ്ഥാനാതിർത്തി കടന്ന് യാത്ര തുടരുകയായിരുന്നു.
തിരുനെൽവേലി സ്വദേശിയുടെ പേരിലാണ് പിക്കപ്പ് വാഹനം രജിസ്റ്റർ ചെയ്തിരുന്നത്. ബേപ്പൂർ സ്വദേശി സി പി മുഹമ്മദ് നിസാമിന്റേതാണ് ഫൈബർ വള്ളം.
ചെറിയ ശേഷിയുള്ള വാഹനത്തിന് മുകളിലേക്ക് വള്ളം കെട്ടിയതോടെ അത് മുന്നോട്ട്, പുറകെ, വശങ്ങളിലേക്ക് തള്ളിനിൽക്കുന്ന അവസ്ഥയിലായിരുന്നു. വളവും തിരിവുകളും കടക്കുമ്പോൾ വള്ളം മറിയാനുള്ള അപകടം സാദ്ധ്യതയായി.
അപകടകരമായ ലോഡിംഗ് ശ്രദ്ധയിൽപ്പെട്ടതിനെ തുടർന്ന് തൃശൂർ ആർടിഒ എൻഫോഴ്‌സ്‌മെന്റിലെ മോട്ടോർ വാഹന ഇൻസ്പെക്ടർ പി. വി. ബിജു വാഹനം തടഞ്ഞു. വിശദമായ പരിശോധനയിൽ ഗുരുതരമായ നിയമലംഘനങ്ങൾ കണ്ടെത്തി.
ചുമത്തിയ പിഴ ഇങ്ങനെയാണ്:
നിയമവിരുദ്ധമായ, വാഹനത്തിനു പുറത്തേക്ക് തള്ളിനിൽക്കുന്ന ഭീകര ലോഡിംഗ് – ₹20,000 ഫിറ്റ്നസ് സർട്ടിഫിക്കറ്റ് ഇല്ലായ്മ – ₹3,000 ഇൻഷുറൻസ് ഇല്ലാത്തതിനു – ₹2,000 പൊലൂഷൻ സർട്ടിഫിക്കറ്റ് ഇല്ലായ്മ – ₹2,000
വള്ളം സുരക്ഷിതമായി കൊണ്ടുപോകുന്നതിന് വലിയ ലോറിയിൽ മാറ്റി കയറ്റണമെന്ന നിർദ്ദേശം അധികൃതർ നൽകി. വൻ അപകടം ഒഴിവാക്കിയ ആർടിഒ എൻഫോഴ്‌സ്‌മെന്റിന്റെ ഇടപെടലാണ് ഇപ്പോൾ ചർച്ചയാകുന്നത്.
ബിലാസ്പുരിൽ മെമു ചരക്കു തീവണ്ടിയുമായി കൂട്ടിയിടിച്ചു; 6 മരണം, പത്തിലധികം പേർക്ക് പരിക്ക്
നിയമലംഘനങ്ങൾക്ക് ഇനി ശക്തി — ആർടിഒയുടെ മുന്നറിയിപ്പ്
ഇത്തരം നിയമലംഘനങ്ങൾ വാഹനയാത്രികരും പൊതുജനങ്ങളും നേരിടുന്ന സുരക്ഷാ ഭീഷണി വീണ്ടും ഉയർത്തിക്കാട്ടുന്ന സംഭവമാണ് ഇത്.
ഗതാഗത സുരക്ഷാ മാർഗനിർദേശങ്ങൾ അവഗണിക്കുന്നതിൽ നിന്ന് ഡ്രൈവർമാരും വാഹന ഉടമകളും പിൻമാറണമെന്ന് അധികൃതർ മുന്നറിയിപ്പ് നൽകി.
സംസ്ഥാനത്ത് റോഡ് സുരക്ഷാ നിയമങ്ങൾ കൂടുതൽ കർശനമാക്കുന്ന സാഹചര്യത്തിൽ ഇത്തരത്തിലുള്ള പരിശോധനകൾ ശക്തമാക്കാനാണെന്നും അധികൃതർ വ്യക്തമാക്കി.
English Summary
A pickup van was caught in Thrissur carrying a fiber boat dangerously tied on top while travelling from Tirunelveli to Beypore.
