കൊച്ചി: ഉമാ തോമസ് എംഎൽഎ വീണ് പരിക്കേറ്റ സംഭവത്തിൽ കലൂരിലെ നൃത്ത പരിപാടിയുടെ സംഘാടകരായ മൃദംഗ വിഷന്റെ ബാങ്ക് അക്കൗണ്ട് മരവിപ്പിച്ചു. സാമ്പത്തിക ചൂഷണവുമായി ബന്ധപ്പെട്ട കേസിലാണ് പോലീസിന്റെ നടപടി. മൃദംഗ വിഷൻ പ്രൊപ്രൈറ്റർ നികോഷ് കുമാറിനോട് ഇന്ന് ഉച്ചയ്ക്ക് പാലാരിവട്ടം സ്റ്റേഷനിൽ ഹാജരാകാൻ നിർദേശിച്ചിട്ടുണ്ട്.(Dance event at Kalur; Mridanga Vision’s bank account frozen)
മൃദംഗ വിഷന് കൂടുതല് ആക്കൗണ്ടുകള് ഉണ്ടോയെന്ന് പോലീസ് പരിശോധിക്കുന്നുണ്ട്. ഹൈക്കോടതി നിർദേശപ്രകാരം സ്റ്റേഷനിൽ ഹാജരായില്ലെങ്കിൽ നികോഷ് കുമാറിനെ അറസ്റ്റ് ചെയ്യാനാണ് നീക്കം. ഹാജരായില്ലെങ്കിൽ പൊലീസിന് അറസ്റ്റ് ചെയ്യാമെന്ന് ഹൈക്കോടതിയും വ്യക്തമാക്കിയിരുന്നു.
