മലപ്പുറം: ഓഫീസിൽ നിന്നും ഇറങ്ങിയ ഡെപ്യൂട്ടി താഹസിൽദാറെ കാണാനില്ലെന്ന് കുടുംബത്തിന്റെ പരാതി. തിരൂർ ഡെപ്യൂട്ടി താഹസിൽദാർ മാങ്ങാട്ടിരി സ്വദേശി പി ബി ചാലിബിനെയാണ് കാണാതായത്. ഇന്നലെ വൈകിട്ട് ഓഫീസിൽ നിന്ന് ഇറങ്ങിയതാണ് ഇദ്ദേഹം.(Complaint that Tirur Deputy Tehsildar is missing)
വൈകുന്നേരം അഞ്ചേകാലോടെയാണ് ചാലിബ് ഓഫീസിൽ നിന്ന് ഇറങ്ങിയത്. എന്നാൽ വീട്ടിലേക്കെത്താൻ വൈകുമെന്ന് കുടുംബത്തെ വിളിച്ച് അറിയിച്ചിരുന്നു. പിന്നീട് ഇദ്ദേഹത്തെ കുറിച്ച് യാതൊരു വിവരവുമില്ലെന്ന് കുടുംബം പറയുന്നു.
തിരൂർ പൊലീസിലാണ് തഹസിൽദാറുടെ കുടുംബം പരാതി നൽകിയിരിക്കുന്നത്. കോഴിക്കോടാണ് അവസാന മൊബൈൽ ടവർ ലൊക്കേഷൻ കാണിച്ചതെന്ന് പൊലീസ് പറഞ്ഞു. ഇദ്ദേഹത്തെക്കുറിച്ച് എന്തെങ്കിലും വിവരം ലഭിക്കുന്നവർ 9846506742, 9048485374, 9745124090 എന്ന നമ്പറിലോ അടുത്തുള്ള പൊലീസ് സ്റ്റേഷനിലോ അറിയിക്കണമെന്ന് പൊലീസ് അറിയിച്ചു.
